ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន និងអធិការបតីអាល្លឺម៉ង់លោក Olaf Scholz បានសន្ទនាតាមទូរស័ព្ទកាលពីថ្ងៃពុធ ដើម្បីស្វែងរកកិច្ចខិតខំប្រឹងប្រែង ផ្នែកនយោបាយ និងការទូតឆ្ពោះទៅរកដំណោះស្រាយ ដែលអាចកើតមាន នៃវិបត្តិអ៊ុយក្រែន។
វិមានក្រឹមឡាំងបានឲ្យដឹងនៅក្នុងសេចក្តីថ្លែងការណ៍មួយថា លោក ពូទីន និង Scholz បានពិភាក្សាអំពីលទ្ធផលនៃការចរចាជុំទី៣ រវាងគណៈប្រតិភូរុស្ស៊ី និងអ៊ុយក្រែន។ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ។
មេដឹកនាំទាំងពីរ ក៏បានយកចិត្តទុកដាក់ ជាពិសេសចំពោះបញ្ហាមនុស្សធម៌ ដែលកើតឡើងពីស្ថានភាពបច្ចុប្បន្ន ដោយបន្ថែមថា លោកពូទីនបានរាយការណ៍ប្រាប់ Scholz អំពីវិធានការណ៍ ដើម្បីរៀបចំ ច្រករបៀងមនុស្សធម៌ សម្រាប់ការជម្លៀស ជនស៊ីវិល៕
ប្រែសម្រួល ឈូក បូរ៉ា
