គៀវ៖ លោក Yaroslav Zheleznyak សមាជិកសភាបានឲ្យដឹងនៅលើបណ្ដាញ Telegram ថា សភាអ៊ុយក្រែនកាលពីថ្ងៃអង្គារបានបន្តច្បាប់អាជ្ញាសឹកបច្ចុប្បន្នរយៈពេល ៣០ ថ្ងៃទៀតចាប់ពីថ្ងៃទី២៦ ខែមីនា។
លោក Zheleznyak បានលើកឡើងថា ច្បាប់ដើម្បីបន្តច្បាប់អាជ្ញាសឹក ដែលត្រូវបានដាក់ជូនដោយប្រធានាធិបតីអ៊ុយក្រែន លោក Volodymyr Zelensky ត្រូវបានគាំទ្រដោយសមាជិកសភាចំនួន ៣៤៣ នាក់ ក្នុងចំណោមសមាជិកសភាចំនួន ៣៤៥ នាក់ ដែលមានវត្តមាននៅក្នុងសភា។
គួរបញ្ជាក់ថា ក្រុងគៀវបានដាក់ច្បាប់អាជ្ញាសឹកបន្ទាប់ពីរុស្ស៊ីបានបើកប្រតិបត្តិការយោធាពិសេសប្រឆាំងនឹងអ៊ុយក្រែនកាលពីថ្ងៃទី២៤ ខែកុម្ភៈ៕ប្រែសម្រួល ឈូក បូរ៉ា
