LVIV៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី១៧ ខែមីនា ឆ្នាំ២០២២ថា កងកម្លាំងរុស្ស៊ី បានទម្លាក់គ្រាប់បែកដ៏ខ្លាំងមួយត្រូវចំលើរោងមហោស្រពមួយកន្លែងស្ថិតនៅក្នុងទីក្រុងកំពង់ផែ Mariupol របស់ប្រទេសអ៊ុយក្រែន ដែលឡោមព័ទ្ធជាកន្លែងដែលជនស៊ីវិលរាប់រយនាក់កំពុងជ្រកកាលពីថ្ងៃពុធ ។ ក្រសួងការបរទេសអ៊ុយក្រែនបានឲ្យដឹងដូច្នេះ ។
ក្រសួងបានឲ្យដឹងថា មនុស្សជាច្រើនបានជាប់ក្នុងរោងនោះ ហើយបានចោទរុស្ស៊ីថា បានប្រព្រឹត្តឧក្រិដ្ឋកម្មសង្គ្រាម ។
ក្រសួងបានឲ្យដឹងថា ចំនួនអ្នកស្លាប់មិនទាន់ដឹងនៅឡើយទេ ។ ទីភ្នាក់ងារព័ត៌មាន Reuters មិនអាចផ្ទៀងផ្ទាត់ព័ត៌មានដោយឯករាជ្យបាននោះទេ ។
រុស្ស៊ី បដិសេធការកំណត់គោលដៅជនស៊ីវិល ។ ទីភ្នាក់ងារសារព័ត៌មាន RIA បានឲ្យដឹងថា នៅទីក្រុងម៉ូស្គូ ក្រសួងការពារជាតិបានឲ្យដឹងថា កងកម្លាំងរបស់ខ្លួនមិនបានវាយលុកអគារនោះទេ ហើយជំនួសមកវិញបានចោទប្រកាន់កងវរសេនាតូច Azov ដែលជាកងជីវពលអ៊ុយក្រែនស្តាំនិយម ដែលបានបំផ្ទុះវាឡើង ។
វាមិនបានផ្តល់ភស្តុតាងដើម្បីបម្រុងទុកការទាមទារនោះទេ ។ រុស្ស៊ី ធ្លាប់បានចោទប្រកាន់កងវរសេនាតូចថា បានរារាំងជនស៊ីវិលមិនឱ្យចាកចេញពីទីក្រុងដែលបានរងការទម្លាក់គ្រាប់បែកយ៉ាងខ្លាំង ។
ក្រុមហ៊ុន Maxar Technologies ដែលជាក្រុមហ៊ុនឯកជនរបស់សហរដ្ឋអាមេរិក បានចែកចាយរូបភាពផ្កាយរណប ដែលខ្លួនបានឲ្យដឹងថា ប្រមូលបាននៅថ្ងៃទី១៤ ខែមីនា ហើយបានបង្ហាញពាក្យថា “កុមារ” ជាអក្សររុស្ស៊ីដ៏ធំដែលគូរនៅលើដីនៅខាងក្រៅរោងមហោស្រព Mariupol Drama ដែលមានដំបូលក្រហម ។
ក្រុមហ៊ុន Maxar បានឲ្យដឹងថា ខ្លួននឹងចែកចាយរូបភាពថ្មីនៃរោងមហោស្រពភ្លាមៗនៅពេលដែលវាមានព័ត៌មានបន្ថែម ៕ប្រែសម្រួលដោយ៖ ម៉ៅ បុប្ផាមករា
