បរទេស៖ បើតាមសារព័ត៌មាន abc News ចេញផ្សាយនៅថ្ងៃទី១៩ ខែមីនា ឆ្នាំ២០២២ បានឱ្យដឹងថា ប្រទេសរុស្ស៊ីគំរាមប្រទេសនានា ដែលបំពាក់អាវុធឱ្យអ៊ុយក្រែន។
កងកម្លាំងរុស្ស៊ី កំពុងបន្តការប៉ុនប៉ងរបស់ខ្លួនឆ្លងកាត់ អ៊ុយក្រែនពីទិសដៅជាច្រើន ខណៈពេលដែលប្រជាជនអ៊ុយក្រែនដែលដឹកនាំដោយប្រធានាធិបតី Volodymyr Zelenskyy កំពុងដាក់ “ការតស៊ូយ៉ាងតឹងរឹង” នេះបើយោងតាមមន្រ្តីសហរដ្ឋអាមេរិក។
ការវាយប្រហារបានចាប់ផ្តើមនៅថ្ងៃទី 24 ខែកុម្ភៈ នៅពេលដែលប្រធានាធិបតីរុស្ស៊ី លោក Vladimir Putin បានប្រកាស “ប្រតិបត្តិការយោធាពិសេស” ។
កងកម្លាំងរុស្ស៊ីដែលផ្លាស់ទី ពីប្រទេសបេឡារុស្សដែលនៅជិតខាងឆ្ពោះទៅកាន់រដ្ឋធានី Kyiv របស់អ៊ុយក្រែន បានឈានទៅជិតកណ្តាលទីក្រុងក្នុងរយៈពេលប៉ុន្មានថ្ងៃថ្មីៗនេះ បើទោះបីជាមានការតស៊ូក៏ដោយ។ ការបាញ់ផ្លោង និងការវាយប្រហារដោយមីស៊ីលជាច្រើនទៅលើអគារស៊ីវិល នៅតែបន្តក្នុងទីក្រុង Kyiv ក៏ដូចជាទីក្រុងធំៗដូចជា Kharkiv និង Mariupol ផងដែរ។
ប្រទេសរុស្សីក៏បានទម្លាក់គ្រាប់បែក លើទីក្រុងភាគខាងលិចជាលើកដំបូងក្នុងសប្តាហ៍នេះ ដោយផ្តោតលើទីក្រុង Lviv និងមូលដ្ឋានយោធានៅជិតព្រំដែនប៉ូឡូញ៕
ប្រែសម្រួលៈ ណៃ តុលា
