បរទេស៖ ប្រទេសអាល្លឺម៉ង់បានកាន់កាប់ សាខាក្នុងស្រុកនៃក្រុមហ៊ុនថាមពលរដ្ឋរបស់រុស្ស៊ី Gazprom។ និយតករថាមពលរបស់ រដ្ឋាភិបាលទីក្រុងប៊ែកឡាំង នឹងគ្រប់គ្រងក្រុមហ៊ុនថាមពល នេះជាបណ្ដោះអាសន្ន បើទោះបីជារដ្ឋាភិបាលទីក្រុងម៉ូស្គូ មានការទទូចពីមុនថា ទង្វើបែបនេះនឹងខុសច្បាប់ក៏ដោយ។
យោងតាមសារព័ត៌មាន RT ចេញផ្សាយនៅថ្ងៃទី៥ ខែមេសា ឆ្នាំ២០២២ បានឱ្យដឹងថា ក្រុមហ៊ុន Gazprom Germania ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនដែលមានមូលដ្ឋាននៅទីក្រុង Saint Petersburg នៅប្រទេសរុស្ស៊ី ប្រតិបត្តិការកន្លែងផ្ទុកឧស្ម័នធម្មជាតិដ៏ធំបំផុតមួយចំនួនរបស់ប្រទេស។
រដ្ឋមន្ត្រីក្រសួងសេដ្ឋកិច្ចអាល្លឺម៉ង់ លោក Robert Habeck បានប្រកាសការសម្រេចចិត្តកាលពីថ្ងៃច័ន្ទដោយលើកហេតុផលថា ហេដ្ឋារចនាសម្ព័ន្ធថាមពលរបស់ប្រទេសអាល្លឺម៉ង់មិនមែនជាកម្មវត្ថុនៃការសម្រេចចិត្តដោយវិមានក្រឹមឡាំងទេ។
លោក Habeck បានប្រាប់អ្នកយកព័ត៌មានថា “ការរៀបចំរបស់រដ្ឋបាលជឿទុកចិត្តបម្រើដើម្បីការពារសុវត្ថិភាពសាធារណៈ និងសណ្តាប់ធ្នាប់ និងដើម្បីរក្សាសុវត្ថិភាពនៃការផ្គត់ផ្គង់” លោក Habeck បានប្រាប់អ្នកយកព័ត៌មានដោយបន្ថែមថា ជំហាន គឺ “ចាំបាច់ជាបន្ទាន់” ដើម្បីធានាបាននូវ “សុវត្ថិភាពនៃការផ្គត់ផ្គង់នៅក្នុងប្រទេសអាល្លឺម៉ង់” ។
ខណៈពេលដែលក្រុមហ៊ុន Gazprom បានប្រកាសកាលពីថ្ងៃសុក្រសប្តាហ៍មុនថា ខ្លួននឹងបញ្ចប់ការចូលរួមរបស់ខ្លួននៅក្នុងក្រុមហ៊ុនបុត្រសម្ព័ន្ធ Gazprom Germania ដោយដកហូតទ្រព្យសម្បត្តិទាំងអស់ពីក្រុមហ៊ុននោះ អ្នកនាំពាក្យវិមានក្រឹមឡាំង លោក Dmitry Peskov បាននិយាយថា ការធ្វើជាតូបនីយកម្មនៃក្រុមហ៊ុនរុស្ស៊ី (ការធ្វើ ឬ ការផ្ទេររបស់អ្វីមួយដែលជារបស់ឯកជន ឬ របស់ជាតិដទៃឲ្យទៅជារបស់ជាតិ, របស់រដ្ឋវិញ) ដោយរដ្ឋាភិបាលទីក្រុងប៊ែកឡាំងនឹង “បំពានច្បាប់អន្តរជាតិយ៉ាងធ្ងន់ធ្ងរ” ដោយចាត់ទុកថាវា “មិនអាចទទួលយកបាន៕
