បរទេស៖ ក្រុមមន្ត្រីបាននិយាយថា ផ្នូរមួយដែលមានជនស៊ីវិលអ៊ុយក្រែនរាប់សិបនាក់ ត្រូវបានរកឃើញនៅក្នុងភូមិ Buzova ក្បែរទីក្រុងគៀវ ក្នុងប្រទេសអ៊ុយក្រែន នៅចុងសប្តាហ៍នេះ ដែលជាការរកឃើញចុងក្រោយបំផុត បន្ទាប់ពីកងកម្លាំងរុស្ស៊ីដកថយពីការវាយលុក របស់ពួកគេលើរដ្ឋធានី ហើយប្តូរការវាយលុក របស់ពួកគេទៅភាគខាងកើតវិញ។
យោងតាមសារព័ត៌មាន The Guardian ចេញផ្សាយនៅថ្ងៃទី១១ ខែមេសា ឆ្នាំ២០២២ បានឱ្យដឹងថា ភូមិ Buzova ស្ថិតនៅចម្ងាយ ២០ គីឡូម៉ែត្រភាគនិរតីនៃទីក្រុង Bucha ជាកន្លែងដែលជនស៊ីវិលរាប់សិបនាក់ត្រូវបានគេរកឃើញថា បានស្លាប់បន្ទាប់ពីកងកម្លាំងរុស្ស៊ីបានដកខ្លួនចេញនៅចុងខែមីនា។
លោក Taras Didych ប្រធានសហគមន៍ Dmytrivka ដែលរួមមានភូមិ Buzova និងភូមិជាច្រើនផ្សេងទៀតដែលនៅក្បែរនោះ បានប្រាប់ទូរទស្សន៍អ៊ុយក្រែនថា សាកសពត្រូវបានរកឃើញនៅក្នុងប្រឡាយ ក្បែរស្ថានីយ៍ប្រេងឥន្ធនៈមួយកន្លែង នេះបើយោងតាមសារព័ត៌មាន Reuters ។ ចំនួនអ្នកស្លាប់មិនទាន់ត្រូវបានបញ្ជាក់នៅឡើយទេ៕
ប្រែសម្រួលៈ ណៃ តុលា
![](https://dap-news.com/wp-content/uploads/2020/08/1-1.png)