បរទេស៖ កោះតៃវ៉ាន់គួរតែបង្កើនកិច្ចសហប្រតិបត្តិការយោធារបស់ខ្លួនជាមួយសហរដ្ឋអាមេរិក ហើយចាប់ផ្តើមធ្វើជាម្ចាស់ផ្ទះនៃកងទ័ពអាមេរិកនៅលើដីរបស់ខ្លួនដូចដែលខ្លួនបានធ្វើមុនពេលការផ្លាស់ប្តូរការទទួលស្គាល់ការទូតនៅឆ្នាំ ១៩៧៩ ទៅកាន់ទីក្រុងប៉េកាំង ។ នេះបើតាមអតីតទីប្រឹក្សាសន្តិសុខជាតិអាមេរិកលោក John Bolton បានស្នើនៅក្នុងព្រឹត្តិការណ៍គោលនយោបាយមួយកាលពីថ្ងៃសៅរ៍។
យោងតាមសារព័ត៌មាន RT ចេញផ្សាយនៅថ្ងៃទី១៨ ខែមេសា ឆ្នាំ២០២២ បានឱ្យដឹងថា ទាំងរដ្ឋាភិបាលទីក្រុងវ៉ាស៊ីនតោន និងតៃប៉ិ គួរតែបង្កើនការចំណាយយោធាលើការការពារកោះនេះ ។ លោក Bolton បានទទូចដោយបន្ថែមថា ការឈរជើងជាផ្លូវការនៃកងទ័ពអាមេរិកអាចជាផ្នែកនៃដំណោះស្រាយចំពោះការគំរាមកំហែងពីប្រទេសចិន។
សហរដ្ឋអាមេរិកបានរក្សាវត្តមានយោធានៅលើកោះតៃវ៉ាន់នៅចន្លោះឆ្នាំ ១៩៥០ និង ១៩៧៩ ជាមួយនឹងកងទ័ពរហូតដល់ ១៩ ០០០ នាក់ត្រូវបានដាក់ពង្រាយក្នុងអំឡុងពេលនោះ។ នេះបានផ្លាស់ប្តូរជាមួយនឹងទំនាក់ទំនងរវាងសម័យប្រធានាធិបតីអាមេរិក លោក Nixon ជាមួយទីក្រុងប៉េកាំង ដែលឈានដល់ការផ្លាស់ប្តូរការទទួលស្គាល់ការទូតរបស់ទីក្រុងវ៉ាស៊ីនតោនទៅកាន់ប្រទេសចិនដីគោកក្រោមការដឹកនាំរបស់លោក Jimmy Carter ៕ប្រែសម្រួលៈ ណៃ តុលា
