ប៉ារីស៖ទីភ្នាក់ងារចិនស៊ិនហួចេញផ្សាយ នៅព្រឹកថ្ងៃចន្ទនេះបានឲ្យដឹងថាប្រធានាធិបតីបារាំង លោក Emmanuel Macron ជាផ្លូវការគឺ បានជាប់ឆ្នោតជាប្រធានាធិបតីអាណត្តិថ្មីម្តងទៀតហើយ សម្រាប់ការបោះឆ្នោតក្នុងឆ្នាំ២០២២នេះ។
លោក Macron បានទទួលសម្លេងការគាំទ្រ ដល់ទៅ៥៨,៦ភាគរយនេះបើយោងតាមការបង្ហាញ តួលេខដំបូងកាលពីយប់ថ្ងៃអាទិត្យម្សិលមិញនេះហើយលោកស្រីMarine Le Pen ដែលជាគូប្រជែងមកពី គណបក្សស្តាំនិយមបានទទួល សម្លេងគាំទ្រត្រឹមតែ៤១,៤ភាគរយ។
![](https://dap-news.com/wp-content/uploads/2022/04/photo_2022-04-25_08-45-50.jpg)
ថ្លែងទៅកាន់ក្រុមអ្នកគាំទ្រនៅក្រោយ ទទួលបានព័ត៌មាននេះហើយនោះលោក Macron បានថ្លែងបញ្ជាក់អំពីមហិច្ឆិតារបស់លោកសម្រាប់រយៈពេល ៥ឆ្នាំខាងមុខ ដើម្បីធ្វើឲ្យបារាំងកាន់តែ មានភាពឯករាជ្យនិងចូលរួមធ្វើឲ្យអឺរ៉ុបកាន់តែរឹងម៉ាំ ឡើងនិងបន្តធ្វើការវិនិយោគដើម្បីធ្វើឲ្យបារាំង ក្លាយទៅជាប្រទេសដែលមានប្រព័ន្ធអេកូឡូស៊ី ដ៏អស្ចារ្យផងដែរ៕
ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)