ម៉ូស្គូ ៖ ប្រធានាធិបតីរុស្ស៊ី កាលពីដើមខែនេះ បានផ្តល់សារដ៏ច្បាស់មួយ ទៅកាន់មេដឹកនាំ នៃវិស័យថាមពល របស់ប្រទេសលោក ៖ ពួកគេត្រូវការរៀបចំផែនការ សម្រាប់ការធ្លាក់ចុះ នៃការនាំចូល របស់លោកខាងលិច ដោយផ្លាស់ប្តូរការផ្តោតអារម្មណ៍ របស់ពួកគេពីអឺរ៉ុប ទៅអាស៊ី។
ប៉ុន្តែអ្នកវិភាគ បានលើកឡើងថា ប្រហែលមិនសាមញ្ញនោះទេ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន អាល់ហ្សាហ្ស៊ីរ៉ា។
ការដាក់កំហិតនៃហេដ្ឋារចនាសម្ព័ន្ធ សម្ពាធនយោបាយ និងតម្រូវការសេដ្ឋកិច្ចមិនល្អ អាចរារាំងទីផ្សារអាស៊ី ពីការស្រូបយកការ ផ្គត់ផ្គង់ថាមពល ដែលនឹងឆ្ពោះទៅអឺរ៉ុប ប្រសិនបើទីក្រុងព្រុចសែល ពិតជាហាមឃាត់ អ៊ីដ្រូកាបូន របស់រុស្ស៊ី ទាំងអស់មែននោះ ៕
ប្រែសម្រួល ឈូក បូរ៉ា
