ហាវ៉ាណា៖ រដ្ឋមន្ត្រីការបរទេសគុយបា លោក Bruno Rodriguez បានថ្លែងអំណរគុណដល់ពិភពលោក សម្រាប់ការគាំទ្ររបស់ខ្លួន សម្រាប់ប្រទេសនេះ ក្នុងការប្រយុទ្ធប្រឆាំងនឹង ការបិទផ្លូវ របស់សហរដ្ឋអាមេរិក។
លោក Rodriguez បានធ្វើការកត់សម្គាល់ នៅក្នុងកិច្ចប្រជុំអន្តរជាតិ នៃសាមគ្គីភាពជាមួយគុយបា ដែលធ្វើឡើងនៅទីក្រុងហាវ៉ាណា ដោយមានការចូលរួមពីប្រធានាធិបតីគុយបាលោក Miguel Diaz-Canel និងសកម្មជនប្រហែល១០០០នាក់ មកពីប្រទេស និងតំបន់មួយចំនួនចំនួន ៦០ ។
លោក Rodriguez បានថ្លែងអំណរគុណ ដល់ប្រតិភូដែលចូលរួមនៃសហជីព ក្រុមនយោបាយ ឬអង្គការប្រជាពលរដ្ឋចំនួន ២១៩ សម្រាប់សាមគ្គីភាពរបស់ពួកគេ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ។
រដ្ឋមន្ត្រីរូបនេះបានលើកឡើងថា “តាមរយៈការតស៊ូរបស់អ្នក អ្នកលើកទឹកចិត្តឱ្យមានការតស៊ូប្រកបដោយការច្នៃប្រឌិត ការតស៊ូ និងជ័យជំនះរបស់ប្រជាជនគុយបាក្នុងគ្រាលំបាកដ៏ធំសម្បើម” ។
លោក Rodriguez ក៏បានថ្កោលទោសការពង្រឹង “ដល់កម្រិតខ្លាំង” នៃការដាក់ទណ្ឌកម្មពាណិជ្ជកម្មដែលដឹកនាំដោយសហរដ្ឋអាមេរិក ប្រឆាំងនឹងគុយបា ដែលរដ្ឋាភិបាលគុយបាប៉ាន់ស្មានថា បានធ្វើឱ្យកោះ Caribbean ខាតបង់ប្រាក់ជាង ១៥០ ពាន់លានដុល្លារក្នុងរយៈពេលប៉ុន្មានឆ្នាំកន្លងមកនេះ៕
ប្រែសម្រួល ឈូក បូរ៉ា
