ប៉ារីស៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៧ ខែឧសភា ឆ្នាំ២០២២ថា នៅថ្ងៃសៅរ៍នេះ លោក ប្រធានាធិបតី Emmanuel Macron នឹងត្រូវចូលកាន់តំណែង សម្រាប់អាណត្តិថ្មី បន្ទាប់ពីជ័យជម្នះ ក្នុងការបោះឆ្នោត របស់គាត់ឈ្នះបក្សស្តាំនិយម បានធ្វើឱ្យគាត់ក្លាយ ជាប្រមុខរដ្ឋបារាំងដំបូងគេ ក្នុងរយៈពេល២០ឆ្នាំ ដើម្បីឈ្នះអាណត្តិទី២ ។
ព្រឹត្តិការណ៍នេះ បានចាប់ផ្តើមនៅម៉ោង៩និង០០ម៉ោង សកល នៅឯវិមាន Elysee ចាប់ផ្តើមជំហានសំខាន់ៗមួយចំនួន នៅពេលដែលលោក Macron ចាប់ផ្តើមអាណត្តិថ្មីរយៈពេល៥ឆ្នាំ ដែលពោរពេញទៅ ដោយបញ្ហាប្រឈមអន្តរជាតិ និងក្នុងស្រុកជាច្រើន ។
លោក Macron ប្រឈមមុខនឹង របៀបវារៈដ៏គួរឱ្យភ័យខ្លាច នៃការអនុវត្តកំណែទម្រង់ ដែលគាត់បានប្តេជ្ញា នៅពេលគាត់ឡើងកាន់អំណាច ជាប្រធានាធិបតីវ័យក្មេងបំផុត របស់ប្រទេសបារាំង ក្នុងឆ្នាំ២០១៧ ក៏ដូចជាការដោះស្រាយការវាយលុករបស់រុស្ស៊ីប្រឆាំងនឹងអ៊ុយក្រែនផងដែរ ។
លោក Laurent Fabius ប្រធានក្រុមប្រឹក្សាធម្មនុញ្ញ នឹងអានសេចក្តីថ្លែងការណ៍ ដែលបញ្ជាក់ពីជ័យជម្នះ របស់លោក Macron ក្នុងការស្ទង់មតិប្រធានាធិបតី ជុំទី២ នៅថ្ងៃទី២៤ ខែមេសា ជាមួយនឹងពិន្ទុ៥៨,៥៥ភាគរយ ប្រឆាំងនឹងគូប្រជែងស្តាំ និយមលោកស្រី Marine Le Pen ។
បន្ទាប់មក លោក Macron នឹងថ្លែងសុន្ទរកថា គន្លឹះដែលយោងទៅតាមមន្ត្រី Elysee “នឹងមិនមែនជាសុន្ទរកថា នយោបាយទូទៅទេ ប៉ុន្តែជាផ្នែកមួយ នៃប្រវត្តិសាស្ត្ររបស់ប្រទេស ហើយនឹង មើលទៅអនាគត” ។
នៅក្នុងប្រពៃណី ដែលមានអាយុកាល តាំងពីយុគសម័យកណ្តាល ការបាញ់កាំភ្លើងចំនួន២១គ្រាប់ នឹងត្រូវបាញ់ចេញពីវិមាន អនុស្សាវរីយ៍យោធា Invalides ដើម្បីអបអរសាទរពិធីសម្ពោធនេះ ។
ដោយមិនមានការបើកឡានចុះពីលើវិថី Avenue des Champs-Elysees ឬកំរាលព្រំក្រហមដ៏វែងនោះទេ ពិធីនេះនឹងស្រដៀង ទៅនឹងការសម្ពោធលោក Francois Mitterrand ក្នុងឆ្នាំ១៩៨៨ និងលោក Jacques Chirac ក្នុងឆ្នាំ២០០២ ដែលជាប្រធានាធិបតីបារាំង ចុងក្រោយគេ ដែលឈ្នះអាណត្តិទី២ ៕
ប្រែសម្រួលដោយ៖ ម៉ៅ បុប្ផាមករា
