កូឡុំបូ៖ ប្រធានសភាស្រីលង្កា Mahinda Yapa Abeywardena កាលពីថ្ងៃអង្គារ បានស្នើឱ្យប្រធានាធិបតី Gotabaya Rajapaksa កោះប្រជុំសភាឡើងវិញ និងស្វែងរកដំណោះស្រាយ ចំពោះអស្ថិរភាពនយោបាយ នៅក្នុងប្រទេស អាស៊ីខាងត្បូង។
លោក Abeywardena បានលើកឡើងថា សភាត្រូវតែប្រជុំភ្លាមៗ ដើម្បីតែងតាំងនាយករដ្ឋមន្ត្រីថ្មី និងគណៈរដ្ឋមន្ត្រី។ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក ថា កិច្ច ប្រជុំ ថ្នាក់ ដឹកនាំ គណបក្ស នយោបាយ នឹង ធ្វើ នៅ វិមាន រដ្ឋសភា នៅ ថ្ងៃ ទី ១១ ខែ ឧសភា។
វាគ្មិនកាលពីសប្តាហ៍មុនបានផ្អាកការប្រជុំសភារហូតដល់ថ្ងៃទី១៧ ខែឧសភា ខណៈដែលក្រុមអ្នកតវ៉ាបានប្រមូលផ្តុំគ្នានៅខាងក្រៅអគារសភាដោយអំពាវនាវឱ្យសមាជិកសភាស្វែងរកដំណោះស្រាយចំពោះវិបត្តិសេដ្ឋកិច្ចដែលកំពុងបន្ត។
លោក Mahinda Rajapaksa បានលាលែងពីតំណែង ជានាយករដ្ឋមន្ត្រី របស់ប្រទេសស្រីលង្កា កាលពីថ្ងៃចន្ទ ខណៈដែលការតវ៉ាដ៏ហិង្សាបានផ្ទុះឡើង ហើយបម្រាមគោចរ ទូទាំងប្រទេស ត្រូវបានដាក់រហូតដល់ថ្ងៃពុធ។
ដោយសារបញ្ហានេះ ត្រូវបានគេរាយការណ៍ថាមនុស្ស ៧នាក់បានស្លាប់និងជាង ២០០នាក់ផ្សេងទៀត បានរងរបួសដោយសារ តែស្ថានភាពហឹង្សា នៅទីក្រុងកូឡុំបូ កាលពីថ្ងៃចន្ទហើយប៉ូលីស ត្រូវបានប្រគល់ភារកិច្ច ឱ្យធ្វើការស៊ើបអង្កេត លើបញ្ហានេះ៕
ប្រែសម្រួល ឈូក បូរ៉ា
