យូអិន៖ អង្គការសហប្រជាជាតិ មិនបានធ្វើជាសហម្ចាស់ផ្ទះ នៃសន្និសីទសន្យា នៅទីក្រុងប្រ៊ុចសែល នោហទេនៅថ្ងៃអង្គារម្សិលមិញ សម្រាប់ប្រទេសស៊ីរី បន្ទាប់ពីសហភាពអឺរ៉ុប បានបដិសេធមិនអញ្ជើញរុស្ស៊ី។ នេះបើតាមអ្នកនាំពាក្យ អង្គការសហប្រជាជាតិបានបញ្ជាក់។
លោក Farhan Haq អ្នកនាំពាក្យរង របស់អង្គការសហប្រជាជាតិ បានឲ្យដឹងថា “អង្គការសហប្រជាជាតិ មិនត្រូវបានធ្វើជាម្ចាស់ផ្ទះរួមគ្នា នៅឆ្នាំនេះ ដូចដែលអ្នកបានដឹងនោះទេ។ សហភាពអឺរ៉ុប បានធ្វើការសម្រេចចិត្ត មិនអញ្ជើញសហព័ន្ធរុស្ស៊ី ហើយយើងសំដៅទៅលើពួកគេ សម្រាប់ហេតុផលរបស់ពួកគេ” ។
លោកបានលើកឡើងថា “តាមទស្សនៈរបស់យើង សហព័ន្ធរុស្ស៊ី គឺជារដ្ឋសមាជិករបស់អង្គការសហប្រជាជាតិ និងជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ និងជាអន្តរការីដ៏សំខាន់ ស្តីពីប្រទេសស៊ីរី” ។
ទោះជាយ៉ាងណាក៏ដោយ សន្និសីទក្រុងប្រ៊ុចសែល គឺជាព្រឹត្តិការណ៍ប្រចាំឆ្នាំដ៏សំខាន់ ហើយអង្គការសហប្រជាជាតិចូលរួមនៅឆ្នាំនេះ ដោយមានការចូលរួមពីអគ្គលេខាធិការរងទទួលបន្ទុកកិច្ចការមនុស្សធម៌ Martin Griffiths នាយកប្រតិបត្តិមូលនិធិកុមាររបស់អង្គការសហប្រជាជាតិ លោកស្រី Catherine Russell និងបេសកជនពិសេសរបស់អង្គការសហប្រជាជាតិទទួលបន្ទុកស៊ីរី Geir Pedersen។
សន្និសីទរបស់សហភាពអឺរ៉ុបលើកទី៦ ស្តីពី “ការគាំទ្រអនាគតនៃប្រទេសស៊ីរី និងតំបន់” ត្រូវបានប្រារព្ធឡើង នៅទីក្រុងប្រ៊ុចសែល កាលពីថ្ងៃចន្ទ និងថ្ងៃអង្គារ ជាមួយនឹងថ្ងៃនៃកិច្ចសន្ទនាជាទម្រង់កូនកាត់នៅថ្ងៃចន្ទ ហើយកិច្ចប្រជុំថ្នាក់រដ្ឋមន្ត្រី ធ្វើឡើងដោយផ្ទាល់ នៅថ្ងៃអង្គារម្សិលមិញនេះ៕
ប្រែសម្រួល ឈូក បូរ៉ា
