បរទេស៖ សហរដ្ឋអាមេរិកបានបង្កើតច្បាប់ស្តីពីការចែករំលែកព័ត៌មាន សម្ងាត់ជាមួយអ៊ុយក្រែន ខណៈពេល ដែលផ្តល់ព័ត៌មានដល់ទីក្រុងគៀវឱ្យបានច្រើន តាមតែអាចធ្វើទៅបានដើម្បីវាយប្រហារយោធារុស្ស៊ី។
នេះបើយោងតាមកាសែត Washington Post ដែលបានដកស្រង់សម្តីមន្ត្រីមិនបញ្ចេញឈ្មោះ កាលពីថ្ងៃពុធ បន្ទាប់ពីការអះអាងរបស់ប្រព័ន្ធផ្សព្វផ្សាយ ជាច្រើនថ្ងៃអំពីទំហំនៃការចូលរួមរបស់ សហរដ្ឋអាមេរិកក្នុងជម្លោះ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែឧសភា ឆ្នាំ២០២២ បានឱ្យដឹងថា មន្ត្រីអាមេរិក និង អ៊ុយក្រែន បានប្រាប់ទីភ្នាក់ងារសារព័ត៌មានថា សហរដ្ឋអាមេរិកកំពុងផ្តល់ព័ត៌មាន ពេលវេលាជាក់ ស្តែងអំពីទីតាំង និងចលនារបស់កងកម្លាំងរុស្ស៊ី រួមទាំងរូបភាពពីផ្កាយរណប និងការស៊ើបការណ៍សម្ងាត់ពីប្រភព “រសើប” ណាមួយ របស់ទីក្រុងកៀវ។ មន្រ្តីអ៊ុយក្រែនម្នាក់ពណ៌នាព័ត៌មានថា “ល្អណាស់ វាប្រាប់យើងពីកន្លែង ដែលរុស្ស៊ីនៅដើម្បីឲ្យយើងវាយពួកគេ»។
ទោះជាយ៉ាងណាក៏ដោយ កាលពីសប្តាហ៍មុន មន្ត្រីអនាមិក ទំនងជាបានចែករំលែកច្រើន ពេកជាមួយ ប្រព័ន្ធផ្សព្វផ្សាយ ដោយផ្តល់ការសន្មតដល់ ការស៊ើបការណ៍សម្ងាត់របស់សហរដ្ឋអាមេរិក ជាមួយនឹងការវាយប្រហារ ដោយកាំជ្រួចរបស់អ៊ុយក្រែន ទៅលើនាវាចម្បាំងរុស្ស៊ី Moskva កាលពីខែមេសា។
កាលពីថ្ងៃសុក្រ NBC News បានរាយការណ៍ថាលោកប្រធានាធិបតី Joe Biden ផ្ទាល់បានប្រាប់ទាំង CIA និងមន្ទីរបញ្ចកោណឱ្យបញ្ឈប់ការលេចធ្លាយដល់ប្រព័ន្ធផ្សព្វផ្សាយដោយហៅវាថា វាឱ្យខូចប្រយោជន៍៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
