បរទេស៖ ទីក្រុងមូស្គូបានចោទប្រកាន់អាជ្ញាធរអ៊ុយក្រែនថា បានរៀបចំផែនការប្រើប្រាស់អាវុធប្រល័យលោក (WMD) ដើម្បីទម្លាក់កំហុសដាក់យោធារុស្ស៊ី។
ឧបទ្ទវហេតុនេះនឹងត្រូវបានប្រើប្រាស់ដើម្បីបង្កឱ្យមានការស៊ើបអង្កេត “សេណារីយ៉ូស៊ីរី” ដើម្បីក្លែងបន្លំភស្តុតាង និងកំណត់ការស្តីបន្ទោស។ នេះបើតាមឧត្តមសេនីយ៍ឯក Igor Kirillov ដែលជាប្រធានកងកម្លាំងការពារវិទ្យុ សកម្ម គីមី និងជីវសាស្រ្តរបស់រុស្ស៊ី បាននិយាយកាលពីថ្ងៃពុធ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែឧសភា ឆ្នាំ២០២២ បានឱ្យដឹងដោយផ្អែកតាមការលើក ឡើងរបស់លោកឧត្តមសេនីយ៍ Igor Kirillovថា “ក្រសួងការពារជាតិរុស្ស៊ីមានព័ត៌មាន អំពីការរៀបចំការបង្ក ហេតុដែលមានគោលដៅចោទ ប្រកាន់កងកម្លាំងប្រដាប់អាវុធរុស្ស៊ីថា បានប្រើប្រាស់អាវុធប្រល័យលោក បន្ទាប់មកដោយការស៊ើបអង្កេត “សេណារីយ៉ូស៊ីរី” ដែលអនុញ្ញាតឱ្យភស្តុតាងចាំបាច់ត្រូវបានផលិត និងបន្ទោស។ លោក Kirillov បាននិយាយថា ជាក់ស្តែងដោយយោងទៅ លើព្រឹត្តិការណ៍ជុំវិញ ការវាយប្រហារគីមីឆ្នាំ 2018 នៅទីក្រុង Douma ប្រទេសស៊ីរី។
នៅពេលនោះ សហរដ្ឋអាមេរិក ចក្រភពអង់គ្លេស និងបារាំងបានស្តីបន្ទោសភ្លាមៗ ទៅលើរដ្ឋាភិបាល នៅទីក្រុងដាម៉ាស ហើយបានបើកការវាយប្រហារលើទឹកដីស៊ីរី មុនពេលការស៊ើបអង្កេតអាចកើតឡើង។ ការស៊ើបអង្កេតជាបន្តបន្ទាប់ដោយ OPCW ដែលបានកំណត់ផងដែរនូវការស្តីបន្ទោស លើរដ្ឋាភិបាលទីក្រុង Damascus ត្រូវបានបិទបាំងដោយភាពមិនស៊ីសង្វាក់គ្នា និងរឿងអាស្រូវអ្នកផ្តល់ព័ត៌មាន។
យ៉ាងណាក៏ដោយ រដ្ឋាភិបាលទីក្រុងគៀវ កំពុងរៀបចំរៀបចំឧប្បត្តិហេតុគីមីមួយយ៉ាងល្អ មុនពេលជម្លោះដែលកំពុងបន្តរវាងរុស្ស៊ី និងអ៊ុយក្រែនបានផ្ទុះឡើងនៅចុងខែកុម្ភៈ៕
ប្រែសម្រួលៈ ណៃ តុលា
