រ៉ាម៉ាឡា៖ នាយករដ្ឋមន្ត្រីប៉ាឡេស្ទីន លោក Mohammed Ishtaye បានអំពាវនាវឱ្យសហគមន៍អន្តរជាតិ ធ្វើពហិការប្រឆាំងនឹងអ៊ីស្រាអែល និងដាក់ទណ្ឌកម្មលើប្រទេសនេះ នេះបើយោងតាមការ ចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
សេចក្តីថ្លែងការណ៍ផ្លូវការមួយបានឲ្យដឹងថា លោក Ishtaye បានធ្វើការកត់សម្គាល់ក្នុងអំឡុង ពេលកិច្ចប្រជុំប្រចាំសប្តាហ៍នៃគណៈរដ្ឋមន្ត្រីប៉ាឡេស្ទីន ដែលធ្វើឡើងនៅទីក្រុងរ៉ាម៉ាឡា ភាគខាងលិចប្រទេស។
លោក Ishtaye បានប្រាប់គណៈរដ្ឋមន្ត្រីថា “បណ្តាប្រទេសនៅលើពិភពលោក ត្រូវបានជំរុញឱ្យដំណើរការ ការសម្រេច ចិត្តរបស់រដ្ឋាភិបាលរបស់ពួកគេក្នុងការធ្វើពហិការ ប្រឆាំងនឹងអ៊ីស្រាអែល និងដាក់ទណ្ឌកម្ម លើប្រទេសនេះ” ។
លោកបានកត់សម្គាល់ថា “ការគេចចេញពីការដាក់ទណ្ឌកម្មរបស់អ៊ីស្រាអែល គឺជាហេតុផលចម្បងសម្រាប់ ការតាំងទីលំនៅ និងការផ្លាស់ទីលំនៅ” ដោយបន្ថែមថា “ពេលវេលាបានមកដល់ហើយ សម្រាប់គោល នយោបាយទ្វេរនេះ ដើម្បីបញ្ឈប់ និងផ្តល់ការការពារដល់ប៉ាឡេស្ទីន” ។
ទន្ទឹមនឹងនេះ លោក Ishtaye បានអំពាវនាវឱ្យសហរដ្ឋអាមេរិក និងបណ្តាប្រទេសអឺរ៉ុប “ធ្វើអន្តរាគមន៍ជាបន្ទាន់ ដើម្បីបញ្ឈប់ផែនការតាំងទីលំនៅថ្មី ដែលអ៊ីស្រាអែល មានបំណងអនុវត្តនៅតំបន់ West Bank”៕
