គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២០ ខែមិថុនា ឆ្នាំ២០២២ថា រុស្ស៊ី បានឲ្យដឹងកាលពីថ្ងៃអាទិត្យថា ខ្លួនបានរឹបអូសភូមិមួយនៅជិតទីក្រុងឧស្សាហកម្ម Sievierodonetsk របស់ប្រទេសអ៊ុយក្រែន ដែលជាគោលដៅសំខាន់ក្នុងយុទ្ធនាការរបស់ទីក្រុងមូស្គូ ដើម្បីគ្រប់គ្រងភាគ ខាងកើតរបស់ប្រទេស ខណៈដែលប្រមុខ NATO បានព្យាករណ៍ថា សង្រ្គាមអាចអូសបន្លាយរាប់ឆ្នាំ ។
ក្រសួងការពារជាតិរុស្ស៊ី បានឲ្យដឹងថា ខ្លួនបានឈ្នះ Metyolkine ដែលជាការតាំងទីលំនៅ របស់មនុស្សតិច ជាង៨០០នាក់ មុនពេលសង្រ្គាមចាប់ផ្តើម ។ ទីភ្នាក់ងារសារព័ត៌មានរដ្ឋរុស្ស៊ី TASS បានរាយការណ៍ថា យុទ្ធជន អ៊ុយក្រែន ជាច្រើននាក់បានចុះចាញ់នៅទីនោះ ។
យោធាអ៊ុយក្រែន បានលើកឡើងថា រុស្ស៊ីបានទទួលជោគជ័យមួយផ្នែក នៅក្នុងតំបន់ដែលមាន ចម្ងាយប្រហែល ៦គីឡូម៉ែត្រ ភាគអាគ្នេយ៍នៃ Sievierdonetsk ។
កាសែត Bild am Sonntag របស់អាល្លឺម៉ង់បានរាយការណ៍ថា អគ្គលេខាធិការអង្គការ NATO លោក Jens Stoltenberg បានឲ្យដឹងថា ការផ្គត់ផ្គង់សព្វាវុធទំនើបដល់កងទ័ពអ៊ុយក្រែន នឹងជំរុញឱកាសនៃការរំដោះតំបន់ Donbas ភាគខាងកើតរបស់ខ្លួនចេញពីការគ្រប់គ្រងរបស់រុស្ស៊ី ។
បន្ទាប់ពីបរាជ័យក្នុងការដណ្តើមយករដ្ឋធានី គៀវ នៅដើមសង្រ្គាម កងកម្លាំងរុស្ស៊ី បានផ្តោតលើការព្យាយាម គ្រប់គ្រងទាំងស្រុងនៃ Donbas ដែលផ្នែកខ្លះត្រូវបានកាន់កាប់ដោយ ពួកបំបែកខ្លួនដែល គាំទ្រដោយរុស្ស៊ីមុន ការឈ្លានពានថ្ងៃទី២៤ ខែកុម្ភៈ ។
រុស្ស៊ី បានឲ្យដឹងកាលពីថ្ងៃអាទិត្យថា ការវាយលុករបស់ខ្លួនដើម្បីឈ្នះក្រុង Sievierdonetsk ខ្លួនឯងកំពុងដំណើរ ការដោយជោគជ័យ ៕
ប្រែសម្រួលដោយ៖ ម៉ៅ បុប្ផាមករា
