តេអេរ៉ង់ ៖ អ៊ីរ៉ង់កំពុងបង្កើន ការចម្រាញ់សារធាតុអ៊ុយរ៉ានីញ៉ូម របស់ខ្លួនបន្ថែមទៀត ដោយរៀបចំ ប្រើប្រាស់ IR-6 centrifuges កម្រិតខ្ពស់ នៅទីតាំងរោងចក្រ Fordow ក្រោមដីរបស់ខ្លួន ដែលអាចផ្លាស់ប្តូរបានកាន់តែងាយស្រួល រវាងកម្រិតនៃការចម្រាញ់ នេះបើយោងតាមរបាយការណ៍ ឃ្លាំមើលនុយក្លេអ៊ែរ របស់អង្គការសហប្រជាជាតិ ។
របាយការណ៍សម្ងាត់របស់ IAEA ទៅកាន់រដ្ឋជាសមាជិក បានឲ្យដឹងថា អ្នកត្រួតពិនិត្យរបស់ IAEA បានផ្ទៀងផ្ទាត់កាលពីថ្ងៃសៅរ៍ថា ប្រទេសអ៊ីរ៉ង់ បានត្រៀមខ្លួនរួចជាស្រេច ក្នុងការចិញ្ចឹមឧស្ម័នអ៊ុយរ៉ាញ៉ូម hexafluoride (UF6) ដែលជាសារធាតុ centrifuges សំបូរទៅដោយ centrifuges ឬចង្កោមទីពីរនៃ IR-6 centrifuges ដែលបានដំឡើង នៅរោងចក្រ Fordow ដែលជាកន្លែងជីកចូលទៅក្នុងភ្នំ។
អ៊ីរ៉ង់ក៏មិនបានប្រាប់ទីភ្នាក់ងារនេះឱ្យច្បាស់ថា តើភាពបរិសុទ្ធ នៃល្បាក់នេះនឹងធ្វើឱ្យមានភាព បរិសុទ្ធដល់កម្រិតណាដែរ បន្ទាប់ពីមានភាព អសកម្ម នេះបើយោងតាមការចុះផ្សាយ របស់ទីភ្នាក់ងារសារព័ត៌មាន The National។
កន្លងមក អ៊ីរ៉ង់បានជូនដំណឹងដល់ IAEA ថា ល្បាក់ IR-6 ចំនួនពីរ អាចត្រូវបានប្រើប្រាស់ ដើម្បីបង្កើនភាពបរិសុទ្ធដល់ទៅ ៥ភាគរយ ឬ ២០ ភាគរយ។
របាយការណ៍បានឲ្យដឹងទៀតថា “ទីភ្នាក់ងារនេះមិនទាន់ ទទួលបានការបំភ្លឺពីប្រទេសអ៊ីរ៉ង់ អំពីរបៀបនៃការផលិត ដែលខ្លួនមានបំណងអនុវត្ត សម្រាប់ល្បាក់ដែលបានរៀបរាប់ខាងលើ បន្ទាប់ពីការបញ្ចប់នៃអកម្ម”៕
ប្រែសម្រួល ឈូក បូរ៉ា
