ម៉ូស្គូ៖ ក្រសួងការបរទេសរុស្ស៊ីបានឲ្យដឹង នៅក្នុងសេចក្តីថ្លែងការណ៍មួយ កាលពីថ្ងៃចន្ទថា ប្រទេសរុស្ស៊ី បានប្រកាសអ្នកការទូតក្រិកចំនួន ៨នាក់ថាជា “បុគ្គលដែលមិនពេញចិត្ត” ដោយបញ្ជាឱ្យពួកគេចាកចេញពី ប្រទេសក្នុងរយៈពេល ៨ថ្ងៃ។
សេចក្តីថ្លែងការណ៍បានឲ្យដឹងថា ឯកអគ្គរដ្ឋទូតក្រិកប្រចាំនៅប្រទេសរុស្ស៊ី Ekaterini Nassika ត្រូវបានកោះហៅទៅកាន់ ក្រសួងការបរទេសក្នុងការតវ៉ា ចំពោះការបណ្តេញអ្នកការទូតរុស្ស៊ី នៅក្នុងប្រទេសក្រិច និងក្រិចផ្គត់ផ្គង់សព្វាវុធ និងឧបករណ៍យោធាដល់អ៊ុយក្រែន។
វិធានការនេះត្រូវបានគេធ្វើឡើង ជាការឆ្លើយតបដោយផ្ទាល់ចំពោះ សកម្មភាពអរិភាពរបស់អាជ្ញាធរក្រិក ហើយទីក្រុងមូស្គូនឹង រក្សាសិទ្ធិក្នុងការឆ្លើយតប ប្រសិនបើក្រុងអាថែនបន្តប្រកាន់ យកនូវវិធីប្រឆាំងរុស្ស៊ីបែបនេះ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
