វ៉ាស៊ីនតោន ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី២៩ ខែមិថុនា ឆ្នាំ២០២២ថា ទីប្រឹក្សារដ្ឋបាល ចំណីអាហារ និងឱសថអាមេរិក (FDA) កាលពីថ្ងៃអង្គារ បានផ្តល់អនុសាសន៍ ឱ្យមានការផ្លាស់ប្តូរការ រចនា នៃការបាញ់ថ្នាំបង្ការជំងឺកូវីដ-១៩ នៅរដូវស្លឹកឈើជ្រុះនេះ ដើម្បីប្រយុទ្ធប្រឆាំងនឹងការប្រែប្រួល នៃមេរោគឆ្លងថ្មីៗបន្ថែមទៀត ។
គណៈកម្មាធិការប្រឹក្សា ផលិតផលជីវសាស្រ្ត និងផលិតផលជីវសាស្រ្ត ដែលពាក់ព័ន្ធរបស់ FDA បានបោះឆ្នោតគាំទ្រ មានសំឡេង១៩/២សំឡេងថា ជំហានបន្ទាប់ នៃការចាក់ថ្នាំបង្ការជំងឺកូវីដ-១៩ គួរតែរួមបញ្ចូលសមាសធាតុ ដែលកំណត់គោលដៅវីរុស បំប្លែងខ្លួនថ្មី Omicron ។
ខាង FDA គ្រោងនឹងសម្រេចចិត្តនៅដើមខែកក្កដា លើអ្វីដែលរៀបចំឡើងសម្រាប់ boosters ។
អ្នកវិទ្យាសាស្ត្ររបស់ FDA នៅឯកិច្ចប្រជុំបានស្នើថា ពួកគេចូលចិត្តវ៉ាក់សាំងដែលនឹងកំណត់ គោលដៅប្រភេទរង BA.4 និង BA.5 Omicron ដែលបច្ចុប្បន្នលេចធ្លោ ជាជាងវីរុសបំប្លែងខ្លួន BA.1 Omicron ដែលនាំឱ្យមានការកើនឡើងយ៉ាងខ្លាំង នៃការឆ្លងមេរោគកាលពីរដូវរងារមុន ។
លោកវេជ្ជបណ្ឌិត Peter Marks នាយកមជ្ឈមណ្ឌលវាយតម្លៃ និងស្រាវជ្រាវ ជីវសាស្ត្ររបស់ FDA បានលើកឡើងថា និយតករនឹងសង្ឃឹមថា នឹងចាប់ផ្តើមយុទ្ធនាការជំរុញ ជាមួយនឹងវ៉ាក់សាំង ដែលបានដាក់ឡើងវិញ នៅខែតុលា ។
លោក Marks បានប្រាប់ដល់កិច្ចប្រជុំ របស់ទីប្រឹក្សាអ្នកជំនាញ ខាងក្រៅទៅកាន់ទីភ្នាក់ងារនេះថា “ការផ្គូផ្គង នៃវ៉ាក់សាំងកាន់តែប្រសើរ ទៅនឹងចរន្តចរាចរ ដែលយើងជឿថា អាចឆ្លើយតបទៅនឹងប្រសិទ្ធភាពវ៉ាក់សាំង ដែលប្រសើរឡើង និងមានសក្តានុពល ក្នុងការការពារបានយូរអង្វែង” ។
គួរបញ្ជាក់ថា វ៉ាក់សាំង Pfizer, Moderna និង Novavax បានបង្ហាញ ទិន្នន័យនៅក្នុងកិច្ចប្រជុំនេះ ។ ក្រុមហ៊ុនទាំង៣បាន នឹងកំពុងសាកល្បងកំណែវ៉ាក់សាំង របស់ពួកគេ ដែលត្រូវបានអាប់ដេត ដើម្បីប្រយុទ្ធប្រឆាំងនឹង វីរុសបំប្លែងខ្លួន BA.1 Omicron ៕
ប្រែសម្រួលដោយ៖ ម៉ៅ បុប្ផាមករា
