តូក្យូ៖ គណបក្សកាន់អំណាចរបស់ប្រទេសជប៉ុនទទួលបានជ័យជំនះយ៉ាងត្រចះត្រចង់នៅក្នុងការបោះឆ្នោតសភាក្រុមប្រឹក្សាកាលពីថ្ងៃអាទិត្យ ដោយបានជួយកងកម្លាំងធ្វើវិសោធនកម្មរដ្ឋធម្មនុញ្ញរក្សាសំឡេងភាគច្រើនពីរភាគបី ដែលត្រូវការដើម្បីជំរុញឱ្យមានការកែប្រែច្បាប់កំពូល ដែលជាគោលដៅមិនបានសម្រេចរបស់អតីតមេដឹកនាំលោក ស៊ីនហ្សូ អាបេ ដែលការធ្វើឃាតកាលពីប៉ុន្មានថ្ងៃមុន បានធ្វើឱ្យប្រទេសជាតិភ្ញាក់ផ្អើលជាទីបំផុត។
គណបក្សប្រជាធិបតេយ្យសេរីរបស់នាយករដ្ឋមន្ត្រីលោក Fumio Kishida ដណ្តើមបានយ៉ាងហោចណាស់ ៦៣អាសនៈ ឬច្រើនជាងពាក់កណ្តាលនៃអាសនៈទាំង ១២៥ ដែលត្រូវបានគាំទ្រដោយការគាំទ្រពីអ្នកបោះឆ្នោតយ៉ាងខ្លាំងនៅក្នុងការបង្ហាញទំនុកចិត្តសាធារណៈ ចំពោះការគ្រប់គ្រងរយៈពេល ៩ខែរបស់លោក បើទោះបីជាប្រទេសនេះកំពុងតស៊ូជាមួយនឹងការកើនឡើងនៃតម្លៃ និងការគំរាមកំហែងសន្តិសុខដែលបង្កឡើងដោយសង្គ្រាមរបស់រុស្ស៊ីនៅអ៊ុយក្រែនក៏ដោយ។
សរុបមកគណបក្ស LDP និងដៃគូសម្ព័ន្ធរបស់ខ្លួន Komeito ទទួលបានអាសនៈសរុបច្រើនជាង ៧៥អាសនៈ ដោយអាចរក្សាបាននូវសំឡេងភាគច្រើននៅក្នុងសភាជាន់ខ្ពស់ដែលមានសមាជិក ២៤៨រូប។
វិសោធនកម្មដែលគាំទ្ររដ្ឋធម្មនុញ្ញ ដែលរួមមានសម្ព័ន្ធ LDP-Komeito គណបក្សប្រឆាំងពីរ និងក្រុមឯករាជ្យបានឈ្នះច្រើនជាង ១៧០អាសនៈនៅក្នុងសភាជាន់ខ្ពស់ ដោយឆ្លងកាត់កម្រិត ១៦៦ ដែលត្រូវការដើម្បីមានគោលបំណង សម្រាប់ការកែប្រែលើកដំបូងនៃរដ្ឋធម្មនុញ្ញឆ្នាំ១៩៤៧ ។
គណបក្ស LDP ទទួលបានលទ្ធផលល្អបំផុតចាប់តាំងពីឆ្នាំ២០១៣។ នៅក្នុងស្រមោលនៃការបង្ហាញដ៏រឹងមាំដោយក្រុមចម្រុះ ដែលកំពុងកាន់អំណាច គណបក្សប្រឆាំងរដ្ឋធម្មនុញ្ញដ៏សំខាន់របស់ប្រទេសជប៉ុន ដែលកាន់កាប់ ២៣ អាសនៈ ឃើញថាអាសនៈរបស់ខ្លួនធ្លាក់ចុះក្រោម ២០អាសនៈ៕
ប្រែសម្រួល ឈូក បូរ៉ា
