តេអេរ៉ង់៖ ក្រុមអ្នកវិភាគបានឲ្យដឹងថា ដំណើរទស្សនកិច្ចនៅមជ្ឈិមបូព៌ាលើកដំបូងរបស់ប្រធានាធិបតីអាមេរិកលោក ចូ បៃដិន មានន័យថាប្រមូលផ្តុំការគាំទ្រ ដើម្បីប្រឆាំងនឹងអ្វីដែលលោកហៅថា “ការគំរាមកំហែងរបស់អ៊ីរ៉ង់” ទំនងជាឃើញសមិទ្ធិផលធ្លាក់ចុះ ដោយសារតែកិច្ចខិតខំប្រឹងប្រែងប្រកបដោយនិរន្តរភាពរបស់អ៊ីរ៉ង់ ក្នុងការកែលម្អទំនាក់ទំនងជាមួយប្រទេសជិតខាង និងប្រទេសដទៃទៀតនៅក្នុងតំបន់។
ប្រព័ន្ធផ្សព្វផ្សាយអ៊ីរ៉ង់មួយក្តាប់តូចនាពេលថ្មីៗនេះបានពិនិត្យឡើងវិញនូវកំណត់ត្រានៃគោលនយោបាយការបរទេសរបស់អ៊ីរ៉ង់ ក្រោមការគ្រប់គ្រងបច្ចុប្បន្ន ដែលបានដាក់ប្រទេសក្នុងតំបន់លើអាទិភាពរបស់ខ្លួន ដោយស្វែងរកលទ្ធផលផ្លែផ្កាមួយចំនួនក្នុងការជួសជុលទំនាក់ទំនងដ៏តានតឹងរបស់អ៊ីរ៉ង់ជាមួយមហាអំណាចក្នុងតំបន់ដូចជា អារ៉ាប៊ីសាអូឌីត។
ចាប់តាំងពីថ្ងៃដំបូងនៃការគ្រប់គ្រងរបស់លោកមក ប្រធានាធិបតីអ៊ីរ៉ង់លោក Ebrahim Raisi បាននិងកំពុងផ្តោតលើការអភិវឌ្ឍទំនាក់ទំនងជាមួយ ទីមួយ ប្រទេសជិតខាង និងប្រទេសក្នុងតំបន់ និងទីពីរ អាស៊ី និងប្រទេសដទៃទៀត។
ទីភ្នាក់ងារសារព័ត៌មាន Tasnim ពាក់កណ្តាលផ្លូវការ បានសរសេរនៅក្នុងការវិភាគនាពេលថ្មីៗនេះ ស្តីពីវិធីសាស្រ្តរបស់លោក Raisi ថា “ដូចបានបញ្ជាក់យ៉ាងទូលំទូលាយដោយអ្នកជំនាញ អ្នកជិតខាងរបស់អ៊ីរ៉ង់ ផ្តល់នូវសមត្ថភាពសន្ធឹកសន្ធាប់ សម្រាប់ការផ្លាស់ប្តូរក្នុងវិស័យសេដ្ឋកិច្ច ថាមពល ការដឹកជញ្ជូន និងពាណិជ្ជកម្ម”។
គេហទំព័រព័ត៌មាន Khabaronline បានសរសេរនៅក្នុងគំនិតមួយ ស្តីពីការអនុវត្តរយៈពេល ១១ ខែរបស់រដ្ឋបាលលោក Raisi ថាយុទ្ធសាស្រ្តដ៏សំខាន់បំផុតដែលលោកបានបន្ត គឺត្រូវទៅហួសពីអនុសញ្ញា នៃការកំណត់គោលនយោបាយការបរទេសរបស់អ៊ីរ៉ង់ ចំពោះអន្តរកម្មជាមួយលោកខាងលិច។
គេហទំព័រនោះបានសរសេរថា “លោក និងក្រុមរបស់លោក បានចាត់វិធានការសំខាន់ៗជាបន្តបន្ទាប់ ឆ្ពោះទៅរកការបើកជំពូកថ្មីក្នុងទំនាក់ទំនងទ្វេភាគីជាមួយប្រទេសជិតខាង និងរដ្ឋក្នុងតំបន់ និងលុបបំបាត់ការយល់ច្រឡំ”៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
