ម៉ូស្គូ៖ របាយការណ៍របស់ Bloomberg បានរកឃើញថា ការនាំចេញប្រេងឆៅ របស់រុស្ស៊ី ទៅកាន់ប្រទេសចិន និងឥណ្ឌាបានធ្លាក់ចុះជិត ៣០ភាគរយ ចាប់តាំងពីពួកគេ បានឈានដល់កម្រិតកំពូល បន្ទាប់ពីសង្គ្រាមនៅអ៊ុយក្រែន បានចាប់ផ្តើម។
នៅក្នុងនោះដែរ របាយការណ៍របស់ Bloomberg បានរកឃើញថា អាស៊ី អាចនឹងមិនត្រូវបានបំពាក់ ដើម្បីស្រូបយកប្រេងរុស្ស៊ី បានពេញលេញនោះទេ នៅពេលដែលទណ្ឌកម្ម របស់អឺរ៉ុប បានកំណត់យ៉ាងពេញលេញ។
រហូតមកដល់ពេលនេះ តម្លៃប្រេងឆៅ ដែលមានតម្លៃថ្លៃបានជំរុញ ប្រាក់ចំណូលពន្ធ នាំចេញរបស់រុស្ស៊ី និងបានជួយកាត់បន្ថយឥទ្ធិពលនៃទីផ្សារធ្លាក់ចុះ។ ការឡើងថ្លៃប្រេង បានអនុញ្ញាតឱ្យវិមានក្រឹមឡាំង បន្តផ្តល់មូលនិធិដល់កិច្ចខិតខំប្រឹងប្រែង សង្គ្រាមរបស់ខ្លួន សូម្បីតែចំពេលមានការរឹតបន្តឹង ទណ្ឌកម្មក៏ដោយ។
យោងតាមទិន្នន័យ Vortexa បានឱ្យដឹងថា ចាប់តាំងពីសង្រ្គាមបានចាប់ផ្តើម ឥណ្ឌាបាននាំចូលពីប្រទេសជិតសូន្យបារ៉ែលក្នុងមួយថ្ងៃ នៃប្រេងឆៅរបស់រុស្ស៊ីរហូតដល់ជិត ១ លានបារ៉ែលក្នុងមួយថ្ងៃកាលពីខែមុន។
ចិន ក៏បានបង្កើន ការនាំចូលយ៉ាងខ្លាំង ដោយការនាំចូល ប្រេងឆៅ របស់រុស្ស៊ី ជិតទ្វេដង ចន្លោះខែកុម្ភៈ ដល់ខែមិថុនា ប៉ុន្តែ Bloomberg បានរាយការណ៍ថាការចែកចាយបានធ្លាក់ចុះដល់ប្រហែល ៣០ភាគរយ ក្រោមកម្រិតខ្ពស់របស់ពួកគេ៕
ប្រែសម្រួល ឈូក បូរ៉ា
