អ៊ីរ៉ង់ បញ្ជាក់ថា នាវាចម្បាំង ល្បឿនលឿន បំពាក់របស់ខ្លួន ដោយបច្ចេកវិទ្យាបំបាំងកាយ

តេអេរ៉ង់ ៖ យោងតាមទីភ្នាក់ងារសារព័ត៌មាន Fars ពាក់កណ្តាលផ្លូវការ បានឱ្យដឹងថា មេបញ្ជាការយោធា កំពូលរបស់អ៊ីរ៉ង់ បានឲ្យដឹងដា អង្គភាពឆ្មាំបដិវត្តន៍អ៊ីស្លាម (IRGC) បានបំពាក់នាវាចម្បាំងល្បឿនលឿន របស់ខ្លួន ជាមួយនឹងបច្ចេកវិទ្យា បំបាំងកាយ។

មេបញ្ជាការកងទ័ពជើងទឹក IRGC លោក Alireza Tangsiri បានធ្វើការកត់សម្គាល់ នៅខាងក្រៅពិធីមួយនៅក្នុងទីក្រុងកំពង់ផែ Bandar Abbas ភាគខាងត្បូងប្រទេសអ៊ីរ៉ង់ ដោយបន្ថែមថា IRGC ស្វែងរកការប្រើប្រាស់សមបកផលិត ក្នុងស្រុកនៅក្នុងជំហានបន្ទាប់។

មេបញ្ជាការបានកត់សម្គាល់ថា ការប្រើប្រាស់បច្ចេកវិទ្យាផលិតក្នុងស្រុក ផលិតផលក្នុងស្រុក និងអ្នកជំនាញអ៊ីរ៉ង់ គឺជាសមិទ្ធិផលដែលកងនាវាចរ IRGC មានមោទនភាព។

លោកបានបន្ថែមថា កងទ័ពជើងទឹក IRGC គឺជាកងកម្លាំងជើងទឹកយុទ្ធសាស្ត្រ ដ៏ទូលំទូលាយ ដែលមានឧបករណ៍ទាំងអស់ ដែលកងកម្លាំង ប្រដាប់អាវុធផ្សេងទៀតមាន ចាប់ពីរថក្រោះ រហូតដល់យន្តហោះ គ្មានមនុស្សបើក និងយន្តហោះគ្មានមនុស្សបើក ហើយវត្តមាន របស់វានៅក្នុងតំបន់ បានរារាំងសត្រូវ ។

គាត់បានស្តីបន្ទោសកប៉ាល់ របស់សហរដ្ឋអាមេរិក ចំពោះការមិនគោរពតាមច្បាប់ និងបទប្បញ្ញត្តិនៃដែនសមុទ្រ និងនាវាចរណ៍ ដោយនិយាយថា ជាទូទៅវត្តមាន របស់ពួកគេនៅក្នុងតំបន់ជារឿយៗ នាំទៅរកភាពអសន្តិសុខ៕

ប្រែសម្រួល ឈូក បូរ៉ា