បរទេស៖ យោងតាមការចេញផ្សាយរបស់ rt.com នៅថ្ងៃនេះបានឲ្យដឹងថាកងកម្លាំង របស់កូសូវ៉ូដែលដឹកនាំ ដោយណាតូឬ KFOR ត្រូវបានគេមើលឃើញថា កំពុងត្រៀមរៀបចំខ្លួនយ៉ាងតឹងតែងកាលពីល្ងាចថ្ងៃសៅរ៍ នៅក្នុងទីក្រុង
Kosovska Mitrovica ដែលស្ថិតនៅក្នុងតំបន់កូសូវ៉ូ Kosovo ជាតំបន់បំបែកខ្លួនចេញពី ប្រទេសស៊ែប៊ី នាពេលកន្លងមក។
កងកម្លាំងដែលភាគច្រើន គឺជាកងកម្លាំងរបស់ ប្រទេសអ៊ីតាលីត្រូវបានគេមើលឃើញថា បានបង្ហាញវត្តមានជាច្រើន នៅក្នុងទីតាំងក្បែរទៅនឹងស្ពានឆ្លងទន្លេ Ibar ដែលជាស្ពានបែងចែករវាងទីក្រុងភាគខាងជើង នៃប្រទសស៊ែប៊ីនិងទីក្រុង
ភាគខាងត្បូងរបស់ស៊ែប៊ី ជាមួយនឹងតំបន់កូសូវ៉ូ។
ទោះបីជាយ៉ាងណាក្តី KFOR បានចេញសេចក្តីរាយការណ៍មួយនៅក្រោយការដាក់ ពង្រាយកងកម្លាំងរបស់ខ្លួននោះថា៖ការត្រៀមរៀបចំលើកនេះគឺ ធ្វើឡើងដើម្បីការពារឬក្នុងករណីមានការឈ្លានពាន ឬអស្ថេរភាពណាមួយនឹង កើតឡើងនៅក្នុង
តំបន់។
KFOR បានប្រកាសអាសន្នកម្រិតខ្ពស់ ដែលយើងអាចមើលឃើញថារថយន្តយោធា ចន្លោះពី៣០ទៅ៤០គ្រឿង ត្រូវបានដាក់ពង្រាយនៅតាមតំបន់នានា ក្នុងតំបន់កូសូវ៉ូហើយក្នុងនោះផងដែរក្រុមប៉ូលីសពិសេស របស់កូសូវ៉ូក៏បានចាប់ផ្តើមធ្វើសកម្មភាពចល័តអាវុធ និងសំភារៈយោធា ជាច្រើនផងដែរ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
