តេអេរ៉ង់ ៖ រដ្ឋមន្ត្រីការបរទេសអ៊ីរ៉ង់បានឲ្យដឹងថា ការផ្លាស់ប្តូររបស់ប្រទេសនេះ ក្នុងការចាក់ឧស្ម័នចូល ទៅក្នុងមជ្ឈមណ្ឌលថ្មីរាប់រយ គឺជាការឆ្លើយតបទៅ នឹងការដាក់ទណ្ឌកម្មថ្មី របស់សហរដ្ឋអាមេរិក ប្រឆាំងនឹងពាណិជ្ជកម្មប្រេង របស់ប្រទេសអ៊ីរ៉ង់ ។
ទីភ្នាក់ងារព័ត៌មានផ្លូវការ IRNA បានរាយការណ៍ថា លោក Hossein Amir-Abdollahian បានធ្វើការកត់សម្គាល់ នៅក្នុងសុន្ទរកថា ទៅកាន់អ្នកសារព័ត៌មាន នៅខាងក្រៅពិធីមួយ ។
លោកបានព្រមាន សហរដ្ឋអាមេរិក ប្រឆាំងនឹងគំនិត ដែលថា ខ្លួនអាចទាញ យកសម្បទាន ពីអ៊ីរ៉ង់ ក្នុងការចរចា នេះបើយោងតាមការចុះផ្សាយ របស់ទីភ្នាក់ងារសារ ព័ត៌មានចិនស៊ិនហួ ។
កាលពីថ្ងៃចន្ទ សហរដ្ឋអាមេរិក បានដាក់ទណ្ឌកម្មលើក្រុមហ៊ុន ដែលទីក្រុងវ៉ាស៊ីនតោន បានអះអាងថា បានជួយប្រទេសអ៊ីរ៉ង់លក់ប្រេង និងផលិតផលគីមីឥន្ធនៈ។
លោក Behrouz Kamalvandi អ្នកនាំពាក្យរបស់អង្គការ ថាមពលអាតូមិក នៃប្រទេសអ៊ីរ៉ង់ បានលើកឡើងថា អង្គការនេះត្រូវបាន បញ្ជាឱ្យបាញ់បង្ហោះ និងចាក់ឧស្ម័នទៅក្នុងម៉ាស៊ីន centrifuges ថ្មីរាប់រយ រួមទាំងម៉ាស៊ីន IR-1 និង IR-6 កម្រិតខ្ពស់ផងដែរ ។
លោក Amir-Abdollahian បានកត់សម្គាល់ថា ការដាក់ ទណ្ឌកម្មថ្មីនេះ បានកើតឡើងចំពេល ដែលភាគីពាក់ព័ន្ធកំពុងពិភាក្សា អំពីពេលវេលានៃការរៀបចំការចរចាថ្មីមួយ ដើម្បីស្តារកិច្ចព្រមព្រៀង នុយក្លេអ៊ែរអ៊ីរ៉ង់ ឆ្នាំ២០១៥ ឡើងវិញ៕
