ភ្នំពេញ៖ នៅក្នុងជំនួបជាមួយ សម្ដេចតេជោ ហ៊ុន សែន នាថ្ងៃទី៤ ខែសីហា ឆ្នាំ២០២២ លោក Antony Blinken រដ្ឋមន្រ្តីក្រសួងការបរទេស សហរដ្ឋអាមេរិក បានបញ្ជាក់ថា ទិសដៅរបស់សហរដ្ឋអាមេរិក គឺមានទំនាក់ទំនងជាវិជ្ជមាន ជាមួយកម្ពុជា ឈរលើមូលដ្ឋាននៃកិច្ចសហប្រតិបត្តិការ ដែលមានស្រាប់ដូចជា៖ ទីផ្សារនាំចេញ និងជំនួយសម្រាប់ ការអភិវឌ្ឍ។
ការបញ្ជាក់ជំហរ ពីសំណាក់សហរដ្ឋអាមេរិក បែបនេះ ស្របពេលដែលពិភពលោក កំពុងប្រឈមនឹងការប្រកួតប្រជែងអំណាចគ្នា ដែលបណ្ដាលឱ្យប្រទេស កំពុងអភិវឌ្ឍជាច្រើន ទទួលយកផល ពីគោលនយោបាយនៃពួកប្រទេសមហាអំណាចបច្ចុប្បន្ននេះ៕
