CNN៖ ក្រសួងការពារជាតិរបស់កោះតៃវ៉ាន់ បាននិយាយថា នាវាចម្បាំង និងយន្តហោះរបស់ចិន បានធ្វើសមយុទ្ធយោធា នៅក្នុងដែនទឹកក្បែរកោះតៃវ៉ាន់ នៅថ្ងៃសុក្រ ខណៈដែលភាពតានតឹង បានកើនឡើងនៅក្នុងតំបន់ បន្ទាប់ពីដំណើរទស្សនកិច្ច របស់ប្រធានសភាអាមេរិក លោក Nancy Pelosi ទៅកាន់កោះនេះ ក្នុងសប្តាហ៍នេះ។
យោងតាមសារព័ត៌មាន CNN ចេញផ្សាយនៅថ្ងៃទី៥ ខែសីហា ឆ្នាំ២០២២ បានឱ្យដឹងដោយផ្អែកតាម ក្រសួងការពារជាតិកោះនេះថា កងកម្លាំងកងទ័ពរំដោះប្រជាជនចិន (PLA) បានឆ្លងកាត់ខ្សែបន្ទាត់កណ្តាល ដែលជាចំណុចពាក់កណ្តាលផ្លូវរវាងកោះ និងចិនដីគោក នៅក្នុងទង្វើដែលកោះតៃវ៉ាន់ហៅថា “ទង្វើបង្កហេតុយ៉ាងខ្លាំង” ។ ខ្សែបន្ទាត់នេះធ្លាប់ជាព្រំដែនមិនផ្លូវការ ប៉ុន្តែត្រូវបានគោរពយ៉ាងទូលំទូលាយ រវាងទីក្រុងប៉េកាំង និងតៃប៉ិ។
ក្រសួងការពារជាតិកោះតៃវ៉ាន់ បានបន្ថែមថា យោធារបស់កោះតៃវ៉ាន់បានឆ្លើយតប ជាមួយនឹងការព្រមានតាមវិទ្យុ ហើយបានដាក់កម្លាំងល្បាតតាមអាកាស នាវាកងទ័ពជើងទឹក និងដាក់ប្រព័ន្ធកាំជ្រួចនៅលើច្រាំង ស្ថិតនៅក្នុងការប្រុងប្រយ័ត្ន៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
