បរទេស៖ យោងតាមអាជ្ញាធរ ក្នុងតំបន់បានឱ្យដឹងថា គ្រាប់ផ្លោងចំនួន ១០គ្រាប់ ដែលបាញ់ដោយកងកម្លាំង របស់ទីក្រុងគៀវ បានធ្លាក់នៅជិតរោងចក្រ ថាមពលនុយក្លេអ៊ែរ Zaporozhye កាលពីថ្ងៃព្រហស្បតិ៍។ ទីតាំង រោងចក្រនោះស្ថិត នៅភាគអាគ្នេយ៍ អ៊ុយក្រែន ប៉ុន្តែស្ថិតក្រោមការគ្រប់គ្រង របស់កងកម្លាំង របស់ក្រុងម៉ូស្គូ។
យោងតាមសារព័ត៌មាន RT ចេញផ្សាយនៅថ្ងៃទី១១ ខែសីហា ឆ្នាំ២០២២ បានឱ្យដឹងថា លោក Vladimir Rogov សមាជិកនៃរដ្ឋបាល យោធា-ស៊ីវិល តំបន់ Zaporozhye និយាយថា គ្រាប់ផ្លោងចំនួន៥គ្រាប់ បានធ្លាក់នៅជិតការិយាល័យ របស់មេបញ្ជាការនៅឯរោងចក្រ នៅក្បែរកន្លែងផ្សារដែក និងកន្លែងផ្ទុកសារធាតុវិទ្យុសកម្ម ដែលបណ្តាលឱ្យស្មៅ នៅតំបន់នោះឆេះ។
គ្រាប់ចំនួន៥ទៀត បានធ្លាក់នៅក្បែរស្ថានីយ ពន្លត់អគ្គិភ័យ ក្បែររោងចក្រអគ្គិសនី ។
លោក Rogov បាននិយាយថា នេះជាលើកទីពីរហើយ ដែលរោងចក្រថាមពលបានស្ថិតក្រោម ការបាញ់ប្រហារ កាលពីថ្ងៃព្រហស្បតិ៍ ហើយបានស្នើថា ការវាយប្រហារកំពុងត្រូវបាន អនុវត្តដោយកងកម្លាំងអ៊ុយក្រែន ដោយប្រើការបាញ់ផ្លោង ជាច្រើនដង៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
