បរទេស៖ តំណាងរបស់លោក Rishi Sunak បាននិយាយកាលពីថ្ងៃសុក្រថា បេក្ខភាពដឹកនាំគណបក្សអភិរក្សរបស់អង់គ្លេសគឺលោក Rishi Sunak បានអំពាវនាវដល់ប្រទេស G20 ឱ្យរារាំងប្រធានាធិបតីរុស្ស៊ីលោក វ្ល៉ាឌីមៀ ពូទីន ពីការចូលរួមកិច្ចប្រជុំកំពូលរបស់ខ្លួន រហូតដល់ទីក្រុងម៉ូស្គូបញ្ឈប់ប្រតិបត្តិការយោធារបស់ខ្លួននៅក្នុងប្រទេសអ៊ុយក្រែន។
យោងតាមសារព័ត៌មាន RT ចេញផ្សាយនៅថ្ងៃទី១៩ ខែសីហា ឆ្នាំ២០២២ បានឱ្យដឹងថា មុននេះ ប្រធានាធិបតីឥណ្ឌូនេស៊ី លោក Joko Widodo បាននិយាយថា ទាំងលោក ពូទីន និងសមភាគីចិនលោកប្រធានាធិបតី Xi Jinping បានបញ្ជាក់ថា ពួកគេនឹងចូលរួមកិច្ចប្រជុំកំពូលរបស់ក្រុមនេះផ្ទាល់នៅកោះបាលីក្នុងខែវិច្ឆិកា។ ប្រសិនបើបែបនោះមែន ព្រឹត្តិការណ៍នេះនឹងកត់សម្គាល់ជាលើកដំបូងដែលលោក ពូទីន , លោក Xi និងប្រធានាធិបតីអាមេរិកលោក Joe Biden នឹងជួបទល់មុខគ្នាចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការយោធារបស់ខ្លួននៅក្នុងប្រទេសអ៊ុយក្រែនកាលពីចុងខែកុម្ភៈ។
ទោះជាយ៉ាងណាក៏ដោយ ដៃគូប្រទេស G20 និងសម្ព័ន្ធមិត្តរបស់ចក្រភពអង់គ្លេសគួរតែធ្វើសកម្មភាពរួមគ្នាដើម្បី “នាំគ្នាតវ៉ាចំពោះអាកប្បកិរិយាស្អប់ខ្ពើមរបស់ពូទីនចេញ” នេះបើតាម អ្នកនាំពាក្យរបស់ Sunak បាននិយាយថា។ លោកបានបន្ថែមថា «ការអង្គុយជុំតុជាមួយលោកគឺមិនល្អគ្រប់គ្រាន់ទេនៅពេលដែលលោកពូទីនទទួលខុសត្រូវចំពោះកុមារដែលត្រូវបានគេសម្លាប់នៅលើគ្រែរបស់ពួកគេខណៈពួកគេគេង»៕
ប្រែសម្រួលៈ ណៃ តុលា
