ម៉ូស្គូ ៖ តំណាងអចិន្ត្រៃយ៍ របស់រុស្ស៊ីប្រចាំអង្គការ សហប្រជាជាតិ បានឲ្យដឹងថា សហរដ្ឋអាមេរិក និងសម្ព័ន្ធមិត្តបានបង្កើន សកម្មភាពបំផ្លិចបំផ្លាញ របស់ពួកគេយ៉ាងខ្លាំង នៅក្នុងតំបន់អាស៊ីប៉ាស៊ីហ្វិក។
លោក Vassily Nebenzia បានប្រាប់ក្រុមប្រឹក្សាសន្តិសុខ ស្តីពីការលើកកម្ពស់សន្តិសុខ រួមតាមរយៈការសន្ទនា និងកិច្ចសហប្រតិបត្តិការថា “សហរដ្ឋអាមេរិក និងសម្ព័ន្ធមិត្តរបស់ខ្លួន កំពុងធ្វើសកម្មភាពដោយមិនប្រុងប្រយ័ត្ន និងបង្ករឿងដូចគ្នានៅអាស៊ី និងអាហ្រ្វិក (ដូចនៅក្នុងតំបន់ Euro-Atlantic)”។
សហរដ្ឋអាមេរិក និងសម្ព័ន្ធមិត្ត កំពុងព្យាយាមដាក់ “ការគិតជាប្លុក” លើរដ្ឋនៅក្នុងតំបន់អាស៊ីប៉ាស៊ីហ្វិក បង្កើតសម្ព័ន្ធភាពនយោបាយ-យោធាឈ្លានពាន ដូចជា AUKUS (អូស្ត្រាលី-ចក្រភពអង់គ្លេស-សហរដ្ឋអាមេរិក) ជំរុញឱ្យមានការប៉ះទង្គិចគ្នារវាងប្រទេសអ្នកមាន។
លោកបានបន្ដថា យន្តការដ៏មានប្រសិទ្ធភាពសម្រាប់ការដោះស្រាយបញ្ហា និងបញ្ហាដែលមានជម្លោះ ហើយបង្ខំពួកគេឱ្យបោះបង់ចោលនូវគោលគំនិតនៃ “អព្យាក្រឹតភាពអាស៊ី” ដែលបានជួយពួកគេឱ្យការពារផលប្រយោជន៍ផ្ទាល់ខ្លួន របស់ពួកគេក្នុងអំឡុងសង្គ្រាមត្រជាក់។
ជាមួយគ្នានេះដែរ សហរដ្ឋអាមេរិក កំពុងជំរុញយុទ្ធនាការប្រកបដោយហានិភ័យ របស់ខ្លួននៅក្នុងតំបន់តៃវ៉ាន់របស់ប្រទេសចិន។ លោកបានលើកឡើងថា ការញុះញង់ដែលបានគ្រោងទុកយ៉ាងប្រុងប្រយ័ត្ននេះ គឺជាសញ្ញាច្បាស់លាស់ នៃការមិនគោរព ចំពោះអធិបតេយ្យភាពនៃប្រទេសដទៃទៀត ដោយសំដៅជាក់ស្តែង ចំពោះដំណើរទស្សនកិច្ច របស់ប្រធានសភាអាមេរិកលោកស្រី Nancy Pelosi ។
ឯកអគ្គរដ្ឋទូតរុស្ស៊ីរូបនេះ បានបម្ថែនថា “ជាទូទៅ យើងត្រូវទទួលស្គាល់ថា តំបន់ អាស៊ីប៉ាស៊ីហ្វិក កំពុងត្រូវបានប្រើប្រាស់ជាផ្នែកមួយ នៃយុទ្ធសាស្ត្ររបស់សហរដ្ឋអាមេរិក ដែលមានគោល បំណង ដើម្បីធ្វើឱ្យមានអស្ថិរភាពនៃស្ថានការណ៍ នៅក្នុងតំបន់ទាំងនោះនៃពិភពលោក ដែលរដ្ឋទាំងអស់កំពុងបន្តដំណើរនយោបាយឯករាជ្យ និងនិរន្តរភាព ។
លោកក៏បានស្តីបន្ទោស “លោកខាងលិចផងដែរ” ចំពោះការមិនអើពើនឹងកង្វល់សន្តិសុខ ស្របច្បាប់របស់រុស្ស៊ី អស់រយៈពេល ៣០ឆ្នាំមកហើយ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
នៅចុងទស្សវត្សរ៍ឆ្នាំ១៩៨០ សហគមន៍អន្តរជាតិមានហេតុផល ដើម្បីសង្ឃឹមថាសង្រ្គាមត្រជាក់ ជាមួយនឹងការប្រណាំងប្រជែងសព្វាវុធ និងការគំរាមកំហែង នៃការប្រឈមមុខដាក់គ្នាដ៏សំខាន់ រវាងមហាអំណាចត្រូវបានបញ្ចប់៕
ប្រែសម្រួល ឈូក បូរ៉ា
