បរទេស៖ អ្នកនាំពាក្យរដ្ឋាភិបាលលោក Anucha Burapachaisr បាននិយាយថា ឧបនាយករដ្ឋមន្ត្រី Wissanu Krea-ngam បានស្នើឱ្យរំលាយ អង្គភាពដឹកជញ្ជូននាយករដ្ឋមន្រ្តី (PMDU) ដោយសារតែប្រតិបត្តិការរបស់ខ្លួន ត្រូវបានចម្លងជាមួយអង្គការផ្សេងទៀត ហើយវាបានសំរេចគោលដៅ របស់ខ្លួនរួចហើយ។
គណៈរដ្ឋមន្ត្រីកាលពីថ្ងៃអង្គារបានយល់ព្រមរំលាយ ។
យោងតាមសារព័ត៌មាន The Nation ចេញផ្សាយនៅថ្ងៃទី២៤ ខែសីហា ឆ្នាំ២០២២ បានឱ្យដឹងថា PMDU គឺជាអង្គការមួយដែលស្ថិតក្រោមនាយករដ្ឋមន្ត្រីផ្ទាល់ ដើម្បីគាំទ្រដល់ប្រតិបត្តិការរបស់រដ្ឋាភិបាល ប្រកបដោយយុទ្ធសាស្ត្រ និងក្នុងលក្ខណៈរួមបញ្ចូលគ្នា។ វាផ្តោតលើកិច្ចការដែលមិនអាចធ្វើបាន ឬត្រូវបានពន្យារពេល និងប៉ះពាល់ដល់សាធារណជន ដោយសារប្រព័ន្ធការិយាធិបតេយ្យ។
វាក៏ផ្តោតទៅលើការរួមបញ្ចូល វិស័យផ្សេងៗ មិនមែនតែភ្នាក់ងាររដ្ឋាភិបាលប៉ុណ្ណោះទេ។
PMDU បានពន្លឿន និងត្រួតពិនិត្យប្រតិបត្តិការ របស់វិស័យរដ្ឋាភិបាល សហគ្រាសរដ្ឋ និងទីភ្នាក់ងាររដ្ឋាភិបាលដទៃទៀត។
វាក៏បានប្រមូលមតិ ដើម្បីសិក្សា វិភាគ និងស្នើដំណោះស្រាយ ដើម្បីជំរុញគោលនយោបាយ របស់រដ្ឋាភិបាល ឬបញ្ហាផ្សេងៗ ដែលលោកនាយករដ្ឋមន្ត្រីប្រគល់ជូន៕ ប្រែសម្រួលៈ ណៃ តុលា
