បរទេស៖ ប្រធានគណៈកម្មការអឺរ៉ុប Ursula von der Leyen បានបង្ហោះនៅលើ Twitter បន្ទាប់ពីការប្រកាសមរណភាពរបស់អតីតមេដឹកនាំសូវៀតលោក Mikhail Gorbachev ក្នុងអាយុ ៩១ឆ្នាំកាលពីថ្ងៃអង្គារ ដោយបង្ហោះសារកោតសរសើរ និងបានហៅលោក Gorbachev ថា “មេដឹកនាំដែលគួរឱ្យទុកចិត្តនិងគោរព” ។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែសីហា ឆ្នាំ២០២២ បានឱ្យដឹងថា លោក von der Leyen បានសរសេរថា លោក Gorbachev “បានដើរតួនាទីយ៉ាងសំខាន់ក្នុងការបញ្ចប់សង្រ្គាមត្រជាក់ និងទម្លាក់វាំងននដែក ឬរបាំងដែក” ដោយបន្ថែមថា នេះ “បើកផ្លូវសម្រាប់អឺរ៉ុបសេរី” ។
ខណៈពេលដែលគោលនយោបាយរបស់ Gorbachev បណ្តាលឱ្យមានការដួលរលំ នៃសហភាពសូវៀតមកោះ ការកាន់តំណែងរបស់ប្រធានាធិបតីចុង ត្រូវបានសម្គាល់ដោយការរលាយនៃទំនាក់ទំនង ជាមួយលោកខាងលិច ហើយបណ្តាមេដឹកនាំលោកខាងលិច មួយចំនួនផ្សេងទៀតបានចូលរួមជាមួយលោក von der Leyen ក្នុងការកាន់ទុក្ខចំពោះការស្លាប់របស់លោក Mikhail Gorbachev។
អគ្គលេខាធិការអង្គការ សហប្រជាជាតិលោក Antonio Guterres បានកាន់ទុក្ខលោក Gorbachev ហើយបានសរសេរថា លោកជា “មេដឹកនាំពិភពលោកដ៏ប៉ិនប្រសប់ មានការប្តេជ្ញាចិត្តពហុភាគីនិយម និងជាអ្នកតស៊ូមតិដោយមិនចេះនឿយហត់សម្រាប់សន្តិភាព” ដោយពិពណ៌នាអំពីការលះបង់របស់មេដឹកនាំសូវៀតចំពោះ “ការរួបរួមក្នុងភាពចម្រុះ” ក៏ដូចជាការខិតខំប្រឹងប្រែង របស់លោកចំពោះ “ផ្លូវនៃការចរចា កំណែទម្រង់ តម្លាភាព និងការរំសាយអាវុធ»។
នាយករដ្ឋមន្ត្រីអង់គ្លេស លោក Boris Johnson បានសរសើរ “ភាពក្លាហាន និងភាពស្មោះត្រង់ដែលលោក Gorbachev បានបង្ហាញក្នុងការនាំយក សង្រ្គាមត្រជាក់ដល់ការបញ្ចប់ដោយសន្តិវិធី” ហើយក៏បាននិយាយទៅកាន់ប្រធានាធិបតីរុស្ស៊ី Vladimir Putin មុនពេលសន្និដ្ឋានថា “ការប្តេជ្ញាចិត្តរបស់ Gorbachev ក្នុងការបើកសង្គមសូវៀតនៅតែជាគំរូដល់ យើងទាំងអស់គ្នា៕
ប្រែសម្រួលៈ ណៃ តុលា
