កូឡារឡាំពួរ៖ លោកស្រី Rosmah Mansor ភរិយារបស់អតីតនាយករដ្ឋមន្ត្រីម៉ាឡេស៊ី Najib Razak នៅថ្ងៃព្រហស្បតិ៍ ត្រូវបានតុលាការកាត់ទោសឱ្យជាប់ពន្ធនាគាររយៈពេល ១០ឆ្នាំ និងពិន័យជាប្រាក់ចំនួន ៩៧០ លាន RM (៣០៣ លានដុល្លារ) ពីបទប្រព្រឹត្តអំពើពុករលួយ ដែលការកាត់ទោសនេះ គឺមានរយៈពេលត្រឹមតែជាងមួយសប្តាហ៍បន្ទាប់ពីប្តីរបស់លោកស្រីត្រូវបានជាប់គុក បន្ទាប់ពីតុលាការកំពូលរបស់ប្រទេសម៉ាឡេស៊ីបានបញ្ជាក់ពីការផ្តន្ទាទោសពីបទពុករលួយរបស់លោក។
យោងតាមសារព័ត៌មាន The Straits Times ចេញផ្សាយនៅថ្ងៃទី១ ខែកញ្ញា ឆ្នាំ២០២២ បានឱ្យដឹងថា លោកស្រី Rosmah អាយុ ៧០ឆ្នាំត្រូវបានតុលាការជាន់ខ្ពស់ម៉ាឡេស៊ីរកឃើញថា មានកំហុសក្នុងការទារប្រាក់សរុបចំនួន ១៩៤ លាន RM (៦១ លានដុល្លារសិង្ហបុរី) ដើម្បីជួយក្រុមហ៊ុនថាមពលពន្លឺព្រះអាទិត្យ Jepak Holdings ទទួលបានគម្រោងកូនកាត់ពន្លឺព្រះអាទិត្យចំនួន ១,២៥ ពាន់លាន RM សម្រាប់សាលារៀនរាប់រយនៅ Sarawak ក្នុងឆ្នាំ ២០១៦ ។
ការផ្តន្ទាទោសក៏ត្រូវបានព្យួរដោយរង់ចាំការប្ដឹងតវ៉ាប្រឆាំងនឹងការកាត់ទោសនេះ។ លោកស្រី Rosmah ត្រូវបានអនុញ្ញាតឱ្យនៅក្រៅឃុំនៅក្រៅឃុំផងដែរ ជាមួយនឹងការដាក់ប្រាក់ធានាចំនួន ២លាន RM។
លោកស្រី Rosmah ក៏ប្រឈមមុខនឹងការចោទប្រកាន់ពីការលាងលុយ និងការគេចពន្ធចំនួន ១៧ ករណីដែលពាក់ព័ន្ធនឹងទឹកប្រាក់សរុបចំនួន ៧,១ លាន RM នៅក្នុងការកាត់ក្តីដែលកំពុងបន្តដាច់ដោយឡែកមួយ។
ការផ្តន្ទាទោសរបស់លោកស្រីកើតឡើងត្រឹមតែមួយសប្តាហ៍ប៉ុណ្ណោះបន្ទាប់ពីលោក Najib បានចាញ់ការប្តឹងឧទ្ធរណ៍ចុងក្រោយរបស់លោកប្រឆាំងនឹងការផ្តន្ទាទោសពីបទពុករលួយឆ្នាំ ២០២០ នៅតុលាការសហព័ន្ធ។ លោកបានចាប់ផ្តើមជាប់ពន្ធនាគាររយៈពេល ១២ ឆ្នាំនៅពន្ធនាគារ Kajang ក្នុងទីក្រុង Selangor កាលពីថ្ងៃទី ២៣ ខែសីហា៕ប្រែសម្រួលៈ ណៃ តុលា
