បរទេស៖ ការអូសបន្លាយនៃជម្លោះនៅអ៊ុយក្រែន កាន់តែពិបាកសម្រាប់អង្គការណាតូ ដូច្នេះ រដ្ឋាភិបាលទីក្រុងគៀវត្រូវតែគិត អំពីការចរចាជាមួយទីក្រុងមូស្គូ, នេះបើតាម ឧត្តមសេនីយទោ Mark T. Kimmitt ដែលបានចូលនិវត្តន៍របស់កងទ័ពសហរដ្ឋអាមេរិក បាននិយាយនៅក្នុងគំនិតមួយ សម្រាប់កាសែត Wall Street Journal ។
យោងតាមសារព័ត៌មាន RT ចេញផ្សាយនៅថ្ងៃទី៤ ខែកញ្ញា ឆ្នាំ២០២២ បានឱ្យដឹងថា លោក Kimmitt បានចង្អុលបង្ហាញនៅក្នុងអត្ថបទរបស់លោក កាលពីថ្ងៃព្រហស្បតិ៍ថា កញ្ចប់ជំនួយយោធាចុងក្រោយបង្អស់ របស់ទីក្រុងវ៉ាស៊ីនតោន ដល់ទីក្រុងគៀវកាលពីខែមុន រួមមានប្រព័ន្ធដែល “ចាស់ជាង និងមិនសូវជឿនលឿន” ដែលអាចបង្ហាញថា អត្រាប្រើប្រាស់សមរភូមិ បានកើនលើសផលិតកម្ម រហូតដល់ចំណុចដែលស្តុកលើស ដែលផ្តល់ដល់អ៊ុយក្រែន ជិតអស់ហើយ” ។
ការដោះស្រាយជាមួយនឹង “ការថយចុះនៃប្រព័ន្ធសព្វាវុធឈានមុខគេក្នុងស្តុក” នៅក្នុងបណ្តាប្រទេសណាតូ ទំនងជាមានន័យថា ជម្លោះដែល កំពុងអូសបន្លាយរវាងអ៊ុយក្រែន និងរុស្ស៊ី។ លោកបានសរសេរថា សេណារីយ៉ូបែបនេះ អាចបណ្តាលឱ្យមាន “សម្ពាធកាន់តែច្រើន ពីប្រទេសដែលគាំទ្រ, អតិផរណាប្រកបដោយនិរន្តរភាព ឧស្ម័នកំដៅតិច និងការធ្លាក់ចុះនៃការគាំទ្រ ដ៏ពេញនិយម” នៅលោកខាងលិច។
លោក Kimmitt ដែលបានបម្រើការជាជំនួយការរដ្ឋលេខាធិការ ទទួលបន្ទុកកិច្ចការនយោបាយ-យោធាក្នុងឆ្នាំ ២០០៨-២០០៩ បានផ្តល់យោបល់ចំនួន ៤ យ៉ាង ដើម្បីពន្លឿនការដោះស្រាយជម្លោះ ដែលឥឡូវនេះបានដំណើរការ អស់រយៈពេលប្រាំមួយខែមកហើយ៕ សម្រួលៈ ណៃ តុលា
