Update: ប្រព័ន្ធផ្សព្វផ្សាយ ក្នុងស្រុកបានរាយការណ៍ កាលពីថ្ងៃពុធថា បុរសដែលត្រូវបានចោទប្រកាន់ ពីបទព្យាយាម បាញ់សម្លាប់អនុប្រធានាធិបតីអាហ្សង់ទីន លោកស្រី Cristina Kirchner កាលពីសប្តាហ៍មុន បានរៀបចំផែនការវាយប្រហារ ជាមួយមិត្តស្រីរបស់គាត់ នេះបើយោងតាមការចោទប្រកាន់បឋម ដែលដាក់ដោយចៅក្រម។ នេះបើតាមការផ្សាយរបស់ទីភ្នាក់ងារព័ត៌មាន បារាំង AFP នៅមុននេះបន្តិច។
ចៅក្រម Maria Eugenia Capuchetti បាននិយាយនៅក្នុងបទចោទប្រកាន់ថា ខ្មាន់កាំភ្លើង ដែលត្រូវបាន ចោទប្រកាន់ ក្នុងការវាយប្រហារ ឈ្មោះ Fernando Sabag Montiel និងមិត្តស្រីរបស់គាត់ឈ្មោះ Brenda Uliarte ទាំងនៅក្នុងមន្ទីរឃុំឃាំង ត្រូវបានចោទប្រកាន់ពី បទព្យាយាមធ្វើឃាត លោកស្រី Kirchner “ដោយមានផែនការ និងការព្រមព្រៀងជាមុន”។ នេះបើតាមទីភ្នាក់ងារព័ត៌មាន Telam។
Kirchner ដែលមានអាយុ ៦៩ឆ្នាំដែលមានរឿងអាស្រូវ បានរួចផុតពីការប៉ុនប៉ងធ្វើឃាត នៅពេលដែល នាងបានប្រមូលផ្តុំ ជាមួយអ្នកគាំទ្រនៅខាងក្រៅផ្ទះរបស់នាង កាលពីយប់ថ្ងៃព្រហស្បតិ៍ ។ បុរសអាយុ៣៥ឆ្នាំ ត្រូវបានចាប់ខ្លួននៅនឹងកន្លែង។
ប្រព័ន្ធផ្សព្វផ្សាយក្នុងស្រុក បាននិយាយថា ខ្សែអាត់វីដេអូ បង្ហាញពីដៃគូរបស់គាត់អាយុ ២៣ ឆ្នាំ ។
ប្រជាជនអាហ្សង់ទីន រាប់ម៉ឺននាក់ បានដើរតាមផ្លូវ បន្ទាប់ពីការប៉ុនប៉ងបាញ់ប្រហារ។
