គៀវ៖ នេះគឺជាផ្លូវការដែលថា អ៊ុយក្រែន នឹងទទួលបានប្រព័ន្ធការពារដែនអាកាស IRIS-T ចំនួនគ្រឿងពីប្រទេសអាល្លឺម៉ង់។ ឈុតទីមួយនឹងមកដល់នៅចុងឆ្នាំនេះ ហើយពីរគ្រឿងទៀត ដែលនៅសល់ នៅដើមឆ្នាំក្រោយ។
ឯកអគ្គរដ្ឋទូតអាល្លឺម៉ង់ ប្រចាំនៅ អ៊ុយក្រែន លោកស្រី Anka Feldhusen បានបញ្ជាក់ព័ត៌មាននេះក្នុងអំឡុងពេល សម្ភាសន៍របស់លោកស្រី សម្រាប់វិទ្យុ NV ។
លោកស្រីបានលើកឡើង “ខ្ញុំសប្បាយចិត្តណាស់ដែលយើងនឹងបញ្ជូនប្រព័ន្ធទាំង ៤គ្រឿងនេះ។ វា នឹង ការពារ កន្លែង ដ៏ ធំ មួយ ក្នុង ប្រទេស អ៊ុយក្រែន។ យើង បាន ឮ រួច ហើយ ថា ប្រព័ន្ធ ទី មួយ នឹង មាន នៅ ក្នុង ប្រទេស អ៊ុយក្រែន ក្នុង ឆ្នាំ នេះ ខ្ញុំ គិត ថា ប្រព័ន្ធ ទីពីរ ក៏ ដូច ជា ប្រព័ន្ធ ទី៣ និង ទី៤ បន្ទាប់ មក នៅ ដើម ឆ្នាំ ថ្មី”។
អធិការបតីអាល្លឺម៉ង់លោក Olaf Scholz ធ្លាប់បាននិយាយពីមុនថា អាល្លឺម៉ង់ នឹងផ្តល់ប្រព័ន្ធការពារដែនអាកាសទំនើប IRIS-T ដល់អ៊ុយក្រែន។ ការពិភាក្សាដំបូងអំពីលទ្ធភាពនៃការផ្តល់វេទិកាការពារដែនអាកាសទំនើបទាំងនេះទៅកាន់អ៊ុយក្រែនបានចាប់ផ្តើមពាក់កណ្តាលឆ្នាំមុន ជាពិសេស កំណែរយៈចម្ងាយមធ្យមនៃកាំជ្រួចត្រូវបានលើកឡើងក្នុងអំឡុងពេលសេចក្តីថ្លែងការណ៍កន្លងមក។
កាំជ្រួចប្រឆាំងយន្តហោះ IRIS-T SL ត្រូវបានបង្កើតឡើងដោយ Diehl BGT Defense នៅក្នុងឆ្នាំ២០១៤ និងជាកំណែអាប់ដេតនៃប្រព័ន្ធ IRIS-T ដើម ហើយការធ្វើតេស្តគុណវុឌ្ឍិរបស់ IRIS-T SL ត្រូវបានបញ្ចប់ក្នុងខែមករា ឆ្នាំ២០១៥។
នេះគឺជាប្រព័ន្ធការពារដែនអាកាសរយៈចម្ងាយមធ្យម ដែលបាញ់បង្ហោះលើផ្ទៃផែនដី ដែលមានសមត្ថភាពបំផ្លាញគោលដៅនៅចម្ងាយរហូតដល់ ៤០គីឡូម៉ែត្រ (២៥ ម៉ាយ) និងនៅកម្ពស់នៃ រហូតដល់ ២០គីឡូម៉ែត្រ (១២ ម៉ាយ) ។ គោលបំណងនៃប្រព័ន្ធនេះ គឺដើម្បីបន្សាបប្រភេទផ្សេងៗនៃយន្តហោះសត្រូវ រួមទាំងឧទ្ធម្ភាគចក្រ យន្តហោះគ្មានមនុស្សបើក នាវាចរណ៍ និងកាំជ្រួចផ្លោង។
ប្រព័ន្ធ IRIS-T ត្រូវបានគេចាត់ទុកថា ជាប្រព័ន្ធការពារដែនអាកាសទំនើបបំផុតមួយក្នុងពិភពលោក។ ការកែប្រែ SL របស់វា (IRIS-T SL) គឺជាកំណែកាំជ្រួច ដែលដឹកនាំដោយរ៉ាដា។ បើប្រៀបធៀបទៅនឹងកំណែមុន ការផលិតកាំជ្រួចត្រូវបានធ្វើឱ្យប្រសើរឡើង ដើម្បីកាត់បន្ថយការអូសទាញខ្យល់។
អង្កត់ផ្ចិតនៃម៉ូទ័ររ៉ុក្កែតត្រូវបានកើនឡើងដល់ ១៥២ម៉ែត្រ។ កាំជ្រួចពីរប្រភេទមាន៖ រយៈចម្ងាយខ្លី (SLS) និងរយៈចម្ងាយមធ្យម (SLM)។ ការធ្វើតេស្តប្រតិបត្តិការនៃ IRIS-T SLM ត្រូវបានបញ្ចប់ក្នុងខែមករា ឆ្នាំ២០២២៕
ប្រែសម្រួល ឈូក បូរ៉ា
