តេអេរ៉ង់ ៖ តុលាការរបស់ប្រទេសអ៊ីរ៉ង់ បានឲ្យដឹងថា ខ្លួនបានកំណត់អត្តសញ្ញាណ ជនសង្ស័យមួយចំនួន ដែលជាប់ពាក់ព័ន្ធ នឹងការធ្វើឃាតលោក Hassan Sayyad Khodaei ដែលជាវរសេនីយ៍ឯក នៃកងឆ្មាំបដិវត្តន៍អ៊ីស្លាម (IRGC) នេះបើយោងតាមទីភ្នាក់ងារ សារព័ត៌មាន Mehr ពាក់កណ្តាលផ្លូវការ ។
អ្នកនាំពាក្យតុលាការអ៊ីរ៉ង់ លោក Masoud Setaieshi បានឲ្យដឹងនៅក្នុងសន្និសីទសារព័ត៌មានប្រចាំសប្តាហ៍ថា ការស៊ើបអង្កេតបឋមយ៉ាង ហ្មត់ចត់ត្រូវបានធ្វើឡើង ទាក់ទងនឹងករណីនេះ។
លោកបានបន្ថែមថា “អំពើភេរវកម្មបែបនេះជាធម្មតា ត្រូវបានប្រព្រឹត្តដោយបណ្តាញភេរវករ” ហើយដូច្នេះការស៊ើបអង្កេត ដោយឧស្សាហ៍ព្យាយាម ត្រូវបានទាមទារ លទ្ធផលនឹងត្រូវបានប្រកាសភ្លាមៗ តាម ដែលសម្រេចបាន។
ដោយពណ៌នាអំពីករណីនេះ ត្រូវបានចាត់ថ្នាក់ លោក Setaieshi បានលើកឡើងថា បុគ្គលមួយចំនួន ដែលមានទំនាក់ទំនងជាមួយការធ្វើឃាតលោក Sayyad Khodaei ត្រូវបានកំណត់អត្តសញ្ញាណ ហើយដីកាផ្លូវច្បាប់ត្រូវបានចេញក្នុងរឿងនេះ។
លោកសង្ឃឹមថា កម្លាំង ស៊ើបការណ៍និងសន្តិសុខ របស់ប្រទេស នឹងចាប់ខ្លួនជន ដៃដល់សំខាន់ៗ ដែលនៅពីក្រោយ អំពើនេះ បានឆាប់ តាម ដែលអាចធ្វើទៅបាន ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
