បរទេស៖ ប្រធានាធិបតី ស៊ែប៊ី លោក Aleksandar Vucic បាន ព្រមាន កាលពី ថ្ងៃ សុក្រ ថា ទីក្រុង ម៉ូស្គូ អាច នឹង សម្រេច បិទ ការផ្គត់ផ្គង់ ឧស្ម័ន ទាំងស្រុង ប្រសិនបើ សហភាព អឺរ៉ុប បន្ត ទៅមុខ ជាមួយ នឹង ផែនការ កំណត់ តម្លៃ ។
យោងតាមសារព័ត៌មាន RT ចេញផ្សាយនៅថ្ងៃទី១៦ ខែកញ្ញា ឆ្នាំ២០២២ បានឱ្យដឹងដោយ ផ្អែកតាមការលើកឡើង របស់លោក Vucic ថា “ប្រសិនបើសហភាពអឺរ៉ុប ធ្វើការសម្រេចចិត្តបែបនេះ នោះរុស្ស៊ីអាចសម្រេចចិត្តបិទ ឧស្ម័នទៅកាន់អឺរ៉ុបទាំងស្រុង ហើយបន្ទាប់មកវានឹងមិន មានហ្គាសនោះទេ ហើយគ្រប់គ្នានឹងកក” ដោយលោកបន្ថែមថា តម្លៃអគ្គិសនីក៏ នឹងកើតមានក្នុងករណីនេះផងដែរ បានកើនឡើងខ្ពស់ចាប់ពីថ្ងៃនេះ ៤០០អឺរ៉ូ ក្នុងមួយមេហ្គាវ៉ាត់ម៉ោង ។
ការអត្ថាធិប្បាយរបស់មេដឹកនាំស៊ែប៊ីនេះ បានធ្វើឡើងនៅក្នុងបទសម្ភាសន៍ តាមទូរទស្សន៍មួយបន្ទាប់ពីជំនួប របស់លោកជាមួយនាយករដ្ឋមន្ត្រីហុងគ្រី Viktor Orban ។ ក្នុងចំណោមប្រធានបទ ដែលពួកគេបានពិភាក្សា លោក Vucic បាននិយាយថា គឺ រដូវស្លឹកឈើជ្រុះ និងរដូវរងានាពេលខាងមុខ ដែល Orban គិតថានឹងជា “ការសម្រេចចិត្ត នៃការរស់រានមានជីវិត នៅក្នុងលក្ខខណ្ឌសេដ្ឋកិច្ច” ។
នៅក្នុងសន្និសីទសារព័ត៌មានរួមគ្នា របស់មេដឹកនាំទាំងពីរនៅទីក្រុង Belgrade លោក Orban បានផ្តោតគោល ដៅលើការហាមឃាត់ របស់សហភាពអឺរ៉ុបប្រឆាំងនឹងប្រទេសរុស្ស៊ី ដោយនិយាយថា នេះគឺវាស្មើនឹង “មនុស្សតឿ ដាក់ទណ្ឌកម្មប្រឆាំង នឹងយក្សដែលពោរពេញដោយថាមពល” ៕
សម្រួលៈ ណៃ តុលា
