ប៉េកាំង៖ ទីប្រឹក្សារដ្ឋ និងជារដ្ឋមន្ត្រីការបរទេសចិន លោក Wang Yi បានប្រាប់ជំនួយការប្រធានាធិបតីបារាំង កាលពីថ្ងៃពុធថា ប្រទេសចិនកោតសរសើរ ចំពោះការបញ្ចេញមតិ ជាសាធារណៈរបស់ ប្រធានាធិបតីបារាំងលោក អេម៉ានុយអែល ម៉ាក្រុង ចំពោះការប្រឆាំងទៅនឹង “សង្រ្គាមត្រជាក់ថ្មី” ។
លោក Wang Yi បានធ្វើការកត់សម្គាល់នេះ ក្នុងអំឡុងពេលកិច្ចប្រជុំជាមួយលោក Emmanuel Bonne ទីប្រឹក្សាការទូតរបស់ ម៉ាក្រុង នៅទីក្រុងញូវយ៉ក នៅខាងក្រៅសម័យប្រជុំ លើកទី៧៧ នៃមហាសន្និបាត អង្គការសហប្រជាជាតិ (UNGA)។
លោក Bonne បានរៀបរាប់សង្ខេបអំពីលោក Wang អំពីទស្សនៈទាក់ទងនឹងវិបត្តិអ៊ុយក្រែន ដែលលោក មឡាក្រុង បានលើកឡើងនៅពេលថ្លែងទៅកាន់ UNGA កាលពីថ្ងៃមុន។ លោក Bonne បានលើកឡើងថា ភាគីបារាំងយកចិត្តទុកដាក់ យ៉ាងខ្លាំងចំពោះសន្តិសុខ និងស្ថិរភាព ក៏ដូចជាការស្ដារឡើងវិញ នូវសន្តិភាពនៅអឺរ៉ុប ហើយត្រៀមខ្លួនជាស្រេច ដើម្បីរក្សាការផ្លាស់ប្តូរកម្រិតខ្ពស់ ជាមួយប្រទេសចិន បង្កើនការទំនាក់ទំនង និងការសម្របសម្រួល ខណៈពេលដែលរួមគ្នាខិតខំបញ្ចប់ជម្លោះ និងការចរចា ការលើកកម្ពស់ការផ្សះផ្សា។
លោក Wang Yi បានលើកឡើងថា ភាគីចិនកោតសរសើរចំពោះលោក ម៉ាក្រុង សម្រាប់ការបង្ហាញជាសាធារណៈម្តងទៀត នូវការប្រឆាំងរបស់បារាំងចំពោះ “សង្គ្រាមត្រជាក់ថ្មី” ការប្រឈមមុខដាក់គ្នាក្នុងប្លុក ក៏ដូចជាការបែងចែកពិភពលោក។ ប្រទេសចិន គាំទ្រកិច្ចខិតខំប្រឹងប្រែង យ៉ាងសកម្មរបស់បារាំង ដើម្បីសន្តិភាពឈ្មួញកណ្តាល។
លោក Wang Yi បានបន្ដថា ប្រទេសចិនគាំទ្រចំពោះការការពារ អធិបតេយ្យភាពជាតិ និងបូរណភាពទឹកដីនៃប្រទេសទាំងអស់ ហើយគោរពតាមគោលបំណង និងគោលការណ៍នៃធម្មនុញ្ញ អង្គការសហប្រជាជាតិ។
ដោយកត់សម្គាល់ថា ប្រទេសចិន និងបារាំងទាំងពីរ បានប្តេជ្ញាចិត្តចំពោះសន្តិភាព លោក Wang Yi បានបន្ថែមថា ប្រទេសទាំងពីរចែករំលែកការរំពឹងទុកថា បទឈប់បាញ់ និងការបញ្ចប់សង្រ្គាមអាចសម្រេច បានឱ្យបានឆាប់តាមដែលអាច ធ្វើបានតាមរយៈការចរចាសន្តិភាព ៕
ប្រែសម្រួល ឈូក បូរ៉ា
