បរទេស៖ ក្រសួងការពារជាតិរុស្ស៊ី បាននិយាយនៅក្នុងសេចក្តីថ្លែងការណ៍មួយ កាលពីថ្ងៃសៅរ៍ថា វរសេនីយ៍ឯក Mikhail Mizintsev ត្រូវបានតែងតាំងជាអនុរដ្ឋមន្ត្រីការពារជាតិរុស្ស៊ី ទទួលបន្ទុកផ្នែកគាំទ្រ”ជំនួយសម្ភារៈ និងបច្ចេកទេស”។
យោងតាមសារព័ត៌មាន RT ចេញផ្សាយនៅថ្ងៃទី២៤ ខែកញ្ញាឆ្នាំ២០២២ បានឱ្យដឹងថា លោក Mizintsev បានជំនួសឧត្តមសេនីយ៍ Dmitry Bulgakov ដែលក្រសួងការពារជាតិបាននិយាយថា កំពុងផ្លាស់ប្តូរទៅតំណែងដែលមិនបានបញ្ជាក់។
ការរុះរើនេះកើតឡើងបីថ្ងៃបន្ទាប់ពីប្រធានាធិបតី វ្ល៉ាឌីមៀ ពូទីន បានបញ្ជាឱ្យកោះហៅក្រុមបម្រុងមួយផ្នែក ដើម្បីជំរុញប្រតិបត្តិការយោធារបស់រុស្ស៊ីនៅអ៊ុយក្រែន។
លោក Mizintsev អាយុ ៦០ឆ្នាំ បានដឹកនាំ ទីភ្នាក់ងារសម្របសម្រួលយោធាកំពូលរបស់រុស្ស៊ី គឺមជ្ឈមណ្ឌលគ្រប់គ្រងការពារជាតិអស់រយៈពេល ៩ ឆ្នាំហើយបានមើលការខុសត្រូវ លើការផ្តល់ជំនួយមនុស្សធម៌ ក្នុងអំឡុងពេលយុទ្ធនាការរបស់ទីក្រុងម៉ូស្គូ ប្រឆាំងនឹងពួកសកម្មប្រយុទ្ធនៅក្នុងប្រទេសស៊ីរី។
បន្ទាប់ពីរុស្ស៊ីបានបញ្ជូនកងទ័ពទៅអ៊ុយក្រែនក្នុងខែកុម្ភៈ លោក Mizintsev បានចាប់ផ្តើមផ្តល់ការសង្ខេប អំពីបញ្ហាមនុស្សធម៌។ លោកក៏ទទួលបន្ទុករៀបចំការជម្លៀសជនស៊ីវិលពី Mariupol ក្នុងខែមីនា៕ ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
