ថៃ៖ បាតុករជាច្រើន គ្រោងប្រមូលផ្តុំគ្នា នៅតាមដងផ្លូវក្រុងបាងកក ក្រោយតុលាការប្រកាស ពីតំណែងនាយករដ្ឋមន្រ្តីរបស់លោក ប្រាយុទ្ធ

បរទេស៖ ការតវ៉ាធំចំនួនពីរគ្រោងនឹង ធ្វើការប្រមូលផ្តុំគ្នានៅតាមដងផ្លូវ ក្រុងបាងកកនៅរសៀលថ្ងៃសុក្រ សម្រាប់សេចក្តីសម្រេច របស់តុលាការធម្មនុញ្ញ លើការព្យួរតំណែងនាយករដ្ឋមន្ត្រី របស់ឧត្តមសេនីយ៍ ប្រាយុទ្ធ ចាន់អូចា។ តុលាការនឹងចាប់ផ្តើមប្រកាសសាលក្រម នៅម៉ោង៣រសៀលថ្ងៃសុក្រនេះ។

យោងតាមសារព័ត៌មានថៃ បាងកក ប៉ុស្តិ៍ ចេញផ្សាយនៅថ្ងៃទី៣០ ខែកញ្ញា ឆ្នាំ២០២២ បានឱ្យដឹងថា រណសិរ្សរួបរួម Thammasat and Demonstration ដែលដឹកនាំដោយសកម្មជននិស្សិត គ្រោងនឹងប្រមូលផ្តុំនៅ Pathumwan skywalk ផ្លូវបំបែក Pathumwan នៅម៉ោងប្រហែល ៤ រសៀល។

នៅម៉ោង ៥ល្ងាច ក្រុម Khana Lomruam Prachachon (Melting Pot Group) ដឹកនាំដោយលោក Jatuporn Prompan និងមេធាវី Nitithorn Lamlua បានមកជួបជុំគ្នានៅផ្លូវបំបែក Ratchaprasong ក្រោមពាក្យស្លោក “បញ្ឈប់ទាំងបី ‘Pors’, Stop Coups, Count Thailand from One’។

“Pors ទាំងបី” សំដៅលើឧត្តមសេនីយ ចូលនិវត្តន៍ចំនួនបីរូបគឺ ឧត្តមសេនីយ៍ ប្រាយុទ្ធ ចាន់អូចា, ឧត្តមសេនីយ៍ ប្រាវីដ វង្សស៊ូវ៉ុន និងឧត្តមសេនីយ៍ អានុពុង ប៉ៅចិន្តា ដែលមានឈ្មោះហៅក្រៅថា Pok ដែលបានកាន់តំណែងគណៈរដ្ឋមន្ត្រីសំខាន់ៗ ចាប់តាំងពីរដ្ឋប្រហារយោធាឆ្នាំ ២០១៤មក ។

រណសិរ្សរួបរួមនៃ Thammasat and Demonstration បានបង្ហោះសារនេះនៅលើទំព័រ Facebook របស់ខ្លួននៅថ្ងៃសុក្រថា “បង្ហាញពីអំណាចរបស់ប្រជាជន។ ប្រសិនបើតុលាការធម្មនុញ្ញ ផ្តល់សេចក្តីសម្រេចរបស់ខ្លួនឱ្យលោក ប្រាយុទ្ធ ចាន់អូចា បន្តធ្វើជានាយករដ្ឋមន្ត្រីទៀតនោះ គឺ មានន័យថា ជនផ្តាច់ការទាំងអស់នឹង ចង់កាន់អំណាចបានយូរ សូមបងប្អូនជនរួមជាតិគ្រប់តំបន់ គ្រប់ផ្លូវ និងខ្សែរថភ្លើងអគ្គិសនីទាំងអស់ ធ្វើដំណើរឆ្ពោះទៅកាន់ Skywalk ត្រង់ចំណុចប្រសព្វ Pathumwan វេលាម៉ោង ៤ រសៀល៕