Update: ខ្មាន់កាំភ្លើងថៃ បាញ់សម្លាប់ក្រុមគ្រួសារ និងខ្លួនឯង ក្រោយការបាញ់ប្រហារ នៅសាលាមត្តេយ្យ បណ្តាលឱ្យស្លាប់ ៣២នាក់, នេះបើតាមការផ្សាយរបស់ទីភ្នាក់ងារព័ត៌មាន AFP នៅមុននេះបន្តិច។
ខ្មាន់កាំភ្លើងជនជាតិថៃម្នាក់ បានសម្លាប់គ្រួសាររបស់គាត់ និងខ្លួនឯង បន្ទាប់ពី បានបាញ់សម្លាប់មនុស្ស៣២នាក់ ក្នុងនោះមានកុមារ ២៣នាក់ នៅឯមណ្ឌលថែទាំមួយ នៅភាគឦសានប្រទេសថៃ កាលពីថ្ងៃព្រហស្បតិ៍។
លោកវរសេនីយ៍ឯក Jakkapat Vijitraithaya មកពីខេត្ត Nong Bua Lam Phu បាននិយាយថា ខ្មាន់កាំភ្លើង បានត្រឡប់ទៅផ្ទះវិញ ហើយបានសម្លាប់ប្រពន្ធ និងកូនរបស់គាត់ បន្ទាប់ពីការបាញ់ប្រហារដ៏ធំ។
