ប៉េកាំង៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៦ ខែតុលា ឆ្នាំ២០២២ថា អ្នកនាំពាក្យបក្សកុម្មុយនិស្តបានលើកឡើងកាលពីថ្ងៃសៅរ៍ថា ប្រទេសចិន នៅតែរក្សាសិទ្ធិក្នុងការប្រើប្រាស់ កម្លាំងយោធាលើកោះតៃវ៉ាន់ដែលជាជម្រើសចុងក្រោយក្នុងកាលៈទេសៈ ដ៏គួរឱ្យចាប់អារម្មណ៍នោះ ទោះបីជាការបង្រួបបង្រួមដោយសន្តិវិធី គឺជាជម្រើសដំបូងរបស់ខ្លួនក្តី ។
លោក Sun Yeli បានប្រាប់ដល់សន្និសីទសារព័ត៌មាននៅទីក្រុងប៉េកាំង ថា “ការបង្រួបបង្រួមចិន និងកោះតៃវ៉ាន់ បំពេញផលប្រយោជន៍ទាំងអស់គ្នា រួមទាំងជនរួមជាតិកោះតៃវ៉ាន់ផងដែរ” ។
លោក ហ្ស៊ី ជិនពីង ប្រធានាធិបតី នឹងឈ្នះអាណត្តិប្រាំឆ្នាំទី៣ ជាអគ្គលេខាធិការបក្សកាន់អំណាច ដែលជាការងារដ៏មានឥទ្ធិពលបំផុតនៅក្នុងប្រទេស នៅក្នុងសមាជដែលនឹងប្រារព្ធឡើងនៅមហាសាលប្រជាជនក្នុងទីក្រុងប៉េកាំង រយៈពេល១សប្តាហ៍ដែលចាប់ផ្តើមនៅថ្ងៃអាទិត្យនេះ ៕
ប្រែសម្រួលដោយ៖ ម៉ៅ បុប្ផាមករា
