បរទេស៖ ក្រសួងការពារជាតិរុស្ស៊ី កាលពីថ្ងៃចន្ទម្សិលមិញនេះ បានធ្វើការអះអាងថារុស្ស៊ី ពិតជាបានធ្វើការដោះដូរ អ្នកទោសជាច្រើន ជាមួយនឹងប្រទេសអ៊ុយក្រែន ពិតមែនដោយក្នុងនោះ អ្នកទោស រុស្ស៊ី ប្រមាណជា១១០នាក់ បានធ្វើដំណើរត្រឡប់ពី អ៊ុយក្រែន មកវិញ។
ប្រភពដដែលបានបន្តទៀតថា ក្នុងចំណោមនោះ ពលរដ្ឋស៊ីវិល ប្រមាណជា៧២នាក់ ដែលសុទ្ធសឹងជាក្រុមអ្នកនេសាទ ហើយពួកគេត្រូវបានចាប់ខ្លួន ដោយអ៊ុយក្រែន តាំងតែពី ខែកុម្ភៈ ឆ្នាំ២០២២ មកម្ល៉េះ។
នៅក្នុងការដោះដូរនោះផងដែរ រុស្ស៊ី បានដោះលែងយោធាអ៊ុយក្រែន ជាស្ត្រីប្រមាណជា១០៨នាក់ ត្រឡប់ទៅកាន់ប្រទេសអ៊ុយក្រែនវិញផងដែរ ខណៈដែលយោធាអ៊ុយក្រែន ជាស្ត្រី២នាក់ បានបដិសេធ ក្នុងការដោះដូរនេះ ហើយសុខចិត្តបន្តរស់នៅ ក្នុងប្រទេសរុស្ស៊ី វិញ៕
ប្រែសម្រួល៖ស៊ុនលី
