បរទេស៖ កងកម្លាំងយោធានៃប្រទេសអ៊ុយក្រែន បានធ្វើការបញ្ចេញវិដេអូមួយ បែបព្រមានទៅកាន់ប្រទេសបេឡារូស ដែលមានបង្ហាញអំពីការវាយប្រហារ ប្រឆាំងទៅនឹងប្រទេស ក្បែរខាងមួយនេះប្រសិនបើហ៊ាន សម្រេចចិត្តចូលរួមក្នុងប្រតិបត្តិការណាមួយ ជាមួយនឹងប្រទេសរុស្សី។
វិដេអូដែលមានរយៈពេល ៤នាទី ត្រូវបានបង្ហោះលើបណ្តាញ សង្គមហ្វេសប៊ុកនៃកងកម្លាំងយោធា របស់អ៊ុយក្រែនកាលពីថ្ងៃសុក្រ ដោយចាប់ផ្តើមដំបូងជាមួយនឹង ឃ្លារំលឹកអំពីទំនាក៉ទំនង ដ៏យូរអង្វែងរបស់ប្រទេសទាំងពីរថា៖ Friendship and good neighborly relation។
ទោះបីជាយ៉ាងណាក្តីនៅក្នុង វិដេអូក៏បានបញ្ចូលមកជាមួយនឹង ការព្រមានចំៗដែរថាប្រសិនបើ មានករណីណាមួយដែលបេឡារូស នឹងអាចចូលរួមក្នុងសកម្មភាព ប្រតិបត្តិការយោធាណាមួយរបស់រុស្សី ដែលមានទីតាំងលើទឹកដីរបស់អ៊ុយក្រែន ។
វិដេអូនេះបានព្រមានបែបនេះថា៖ ប្រសិនបើយោធាបេឡារូស នឹងគាំទ្រសកម្មភាពយោធារបស់រុស្សី ណាមួយពួកយើងនឹងឆ្លើយតបវិញ យ៉ាងខ្លាំងក្លាជាមិនខានឲ្យដូចទៅនឹង ការឆ្លើយតបរបស់យើង
នៅលើទឹកដីរបស់អ៊ុយក្រែន ប្រឆាំងទៅនឹងប្រទេសរុស្សី និងក៏ដូចជាកាំភ្លើងធំរបស់ យើងទាំងអស់នោះផង៕
ប្រែសម្រួល៖ ស៊ុន លី
