គៀវ៖ យោងតាមវិទ្យាស្ថានសិក្សាសង្គ្រាម (ISW) បានឱ្យដឹងថា ទាហានរុស្ស៊ី ដែលបានចល័តថ្មីដែលគ្របដណ្តប់ ការដកថយរបស់កងកម្លាំង របស់ពួកគេពីភាគខាងលិចទីក្រុង Kherson អាចប្រឈមមុខនឹងការបរាជ័យ នៅក្នុងដៃរបស់កងទ័ពអ៊ុយក្រែន ។
អាមេរិកបានឲ្យដឹងថា រុស្ស៊ីបានចាប់ផ្តើមការដកខ្លួន ចេញពីតំបន់ភាគខាងត្បូង ហើយនេះទំនងជានឹងបន្ត ក្នុងរយៈពេលប៉ុន្មានសប្តាហ៍ខាងមុខ ប៉ុន្តែទាហានរបស់លោក វ្ល៉ាឌីមៀ ពូទីន អាចប្រឈមមុខនឹងការតស៊ូខ្លាំង ប្រសិនបើកងកម្លាំងអ៊ុយក្រែន ជ្រើសរើសការវាយប្រហារ។
បញ្ជាការប្រតិបត្តិការភាគខាងត្បូង របស់អ៊ុយក្រែនបាននិយាយថា ទីក្រុងមូស្គូ កំពុងផ្ទេរគ្រាប់រំសេវ សម្ភារៈយោធា និងគ្រឿងតាមសាឡាងពីច្រាំងខាងលិចទន្លេ Dnipro ទៅច្រាំងខាងកើត ខណៈដែលកងទ័ពរុស្ស៊ីចំនួន ២០០០នាក់ កាន់កាប់ជួរមុខ ដើម្បីគ្របដណ្តប់ការដកខ្លួន របស់ពួកគេដោយការបាញ់ផ្លោង ទីតាំងរបស់អ៊ុយក្រែន។
ISW បានឲ្យដឹងថា ការដកទ័ពរបស់រុស្សី ទាមទារឱ្យមានការផ្ដាច់ខ្លួន ដែលមាន “ការហ្វឹកហ្វឺនយ៉ាងល្អ មានជំនាញវិជ្ជាជីវៈ និងត្រៀមស្លាប់ សម្រាប់ជនរួមជាតិ” ដើម្បីទុកជាជួរ ដើម្បីទប់ទល់នឹងការវាយប្រហារ របស់អ៊ុយក្រែន។
ប៉ុន្តែអនុប្រធាននាយកដ្ឋាន ប្រតិបត្តិការចម្បងនៃ អគ្គសេនាធិការអ៊ុយក្រែន ឧត្តមសេនីយទោ Oleksiy Hromov បានលើកឡើងថា ប្រទេសរុស្ស៊ីអាចនឹងដក “អង្គភាព ដែលមានសមត្ថភាពប្រយុទ្ធបំផុត” របស់ខ្លួនចេញពីច្រាំងទន្លេខាងឆ្វេង ហើយទុកទាហានដែលបានចល័ត ដើម្បីគ្របដណ្តប់ការដកថយ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
