ព័ត៌មានអន្តរជាតិ

មេដឹកនាំកំពូលអ៊ីរ៉ង់ ថ្កោលទោសស្តង់ដារទ្វេ របស់លោកខាងលិច លើបញ្ហាផ្សេងៗជាច្រើន

តេអេរ៉ង់៖ ប្រធានាធិបតីអ៊ីរ៉ង់ Ebrahim Raisi កាលពីថ្ងៃអង្គារបានរិះគន់ “ស្តង់ដារទ្វេរ” របស់បណ្តាប្រទេស លោកខាងលិច លើបញ្ហាជាច្រើន ដោយលើកឡើងថា ពួកគេមិនគាំទ្រ “អ្នកស្វែងរកសេរីភាពពិតប្រាកដ” ដែលពិតជាស្វែងរកឯករាជ្យភាព និងសេរីភាព ។

លោក Raisi បានធ្វើការកត់សម្គាល់ នៅក្នុងសុន្ទរកថាទៅកាន់ មហាសន្និបាតលើកទី១៨ នៃអង្គការទីភ្នាក់ងារ ព័ត៌មានអាស៊ីប៉ាស៊ីហ្វិក ដែលធ្វើឡើងនៅក្នុងរដ្ឋធានីតេអេរ៉ង់ របស់អ៊ីរ៉ង់ នេះបើយោង តាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។

ផ្ទាំងពាណិជ្ជកម្ម

លោក Raisi បានលើកឡើងថា ការទទួលយក “ស្តង់ដារទ្វេរ” លើបញ្ហាដូចជាសិទ្ធិមនុស្ស សេរីភាព និងឯករាជ្យភាពបានក្លាយជា “ការអនុវត្តប្រចាំថ្ងៃ” របស់បស្ចិមប្រទេស លោក Raisi បានបន្ដថា ប្រជាជននៅទូទាំងពិភពលោកបានយល់ដឹងអំពីរឿងនោះ។

ប្រធានាធិបតីអ៊ីរ៉ង់ បានអំពាវនាវ ឱ្យប្រព័ន្ធផ្សព្វផ្សាយផ្តល់ “ការទទួលខុសត្រូវដ៏ធ្ងន់ធ្ងរ” នៃការលើកកម្ពស់ការយល់ដឹងជាសាធារណៈអំពី “វិធីសាស្រ្តបោកបញ្ឆោត ” នាពេលបច្ចុប្បន្នរបស់បស្ចិម ប្រទេសដោយផ្តល់ ឱ្យមនុស្ស នូវព័ត៌មានត្រឹមត្រូវនិងជួយ ឱ្យពួកគេមានការយល់ឃើញ ត្រឹមត្រូវអំពីព្រឹត្តិការណ៍ នៅលើផែនដី៕

To Top