ដាម៉ាស់៖ សាក្សី និងក្រុមអ្នកជួយសង្គ្រោះបានឲ្យដឹងថា យន្តហោះរុស្ស៊ីបានទម្លាក់គ្រាប់បែកលើជំរុំក្បែរទីក្រុង Idlib ភាគពាយ័ព្យនៃប្រទេសស៊ីរីកាលពីថ្ងៃអាទិត្យ ដោយបានសម្លាប់ជនស៊ីវិលយ៉ាងតិច ៩នាក់នៅក្នុងការវាយប្រហារដោយផ្ទុះអាវុធលើបន្ទាយចុងក្រោយដែលគ្រប់គ្រងដោយក្រុមប្រឆាំង។
សាក្សីបានឲ្យដឹងថា យន្តហោះចម្បាំង ដែលហោះហើរក្នុងរយៈកម្ពស់ខ្ពស់ បានទម្លាក់គ្រាប់បែកលើព្រៃក្បែរជំរំបណ្តោះអាសន្ននៅភាគខាងលិចប្រទេសស៊ីរីនៃទីក្រុង Idlib នេះបើយោងតាមការចុះផ្សាយរបស់ទីភ្នាក់ងារសារព័ត៌មាន The National។
មិនមានការអត្ថាធិប្បាយភ្លាមៗពីរុស្ស៊ី ឬសម្ព័ន្ធមិត្តរបស់ខ្លួននៅក្នុងកងទ័ពស៊ីរី ដែលបដិសេធការវាយប្រហារលើជនស៊ីវិល ហើយលើកឡើងថា គោលដៅរបស់ខ្លួន គឺជាកន្លែងលាក់ខ្លួនរបស់ក្រុមបះបោរ។
សេវាការពារស៊ីវិលរបស់បក្សប្រឆាំងបានឲ្យដឹងថា កុមារបីនាក់ និងស្ត្រីម្នាក់ ស្ថិតក្នុងចំណោមអ្នកស្លាប់ក្នុងការវាយប្រហារលើជំរុំ ដែលមានមនុស្សច្រើន ដែលមនុស្សជាង ៧០នាក់បានរងរបួស ហើយត្រូវបានបញ្ជូនទៅមន្ទីរពេទ្យ។
លោក Seraj Ibrahim ដែលជាអ្នកជួយសង្គ្រោះ ដែលមានមួកសុវត្ថិភាព ដែលគាំទ្រដោយលោកខាងលិចបានឲ្យដឹងថា “មិនមានមូលដ្ឋានយោធា ឬឃ្លាំងស្តុកទំនិញ ឬបន្ទាយឧទ្ទាមនៅទីនេះទេ”។
ប្រជាជនជាង ៤លាននាក់រស់នៅក្នុងតំបន់ ដែលមានប្រជាជនច្រើន ដែលកាន់កាប់នៅភាគពាយ័ព្យតាមបណ្តោយព្រំដែនតួកគី។ ភាគច្រើននៃពួកគេត្រូវបានវាយប្រហារនៅទីនោះ ដោយយុទ្ធនាការបន្តបន្ទាប់ដឹកនាំដោយរុស្ស៊ី ដែលដណ្តើមបានទឹកដី ដែលកាន់កាប់ដោយពួកឧទ្ទាមឡើងវិញ៕ប្រែសម្រួល ឈូក បូរ៉ា
