គៀវ៖ ប្រធានាធិបតីរុស្ស៊ីលោក វ្ល៉ាឌីមៀ ពូទីន កំពុងប្រឈមមុខនឹងការអំពាវនាវពីមន្ត្រីដែនដីមួយចំនួន ដើម្បីបញ្ចប់ការចល័តទ័ពជាផ្លូវការ ចំពេលមានការឈ្លានពានអ៊ុយក្រែន នេះបើយោងតាមការចុះផ្សាយរបស់ទីភ្នាក់ងារសារព័ត៌មានអផុយក្រែន Newsweek។
លោក ពូទីន កំពុងប្រឈមមុខនឹងសម្ពាធនយោបាយកាន់តែខ្លាំងឡើងជុំវិញការលុកលុយដ៏រអាក់រអួលជិត ៩ខែបន្ទាប់ពីលោកបានបញ្ជាឱ្យ “ប្រតិបត្តិការយោធាពិសេស” កាលពីថ្ងៃទី២៤ ខែកុម្ភៈ។ អ៊ុយក្រែន បានប្រឈមជាមួយទីក្រុងមូស្គូជាមួយនឹងកិច្ចខិតខំប្រឹងប្រែងការពារជាតិខ្លាំងជាងការរំពឹងទុក និងគាំទ្រដោយជំនួយយោធាលោកខាងលិចដោយជោគជ័យនូវផលប្រយោជន៍យោធាក្នុងចំណោមកងទ័ពរបស់លោក ពូទីន។
នៅក្នុងខែកញ្ញា លោកបានប្រកាសពីការចល័តទ័ពមួយផ្នែកក្នុងកិច្ចខិតខំប្រឹងប្រែងដើម្បីពង្រីកជួររបស់គាត់។ ការចល័តនេះត្រូវបានគេមើលឃើញថា ជាការកើនឡើងដ៏ធំនៃសង្រ្គាមចំពេលមានវិបត្តិ ហើយអ៊ុយក្រែននៅសប្តាហ៍នេះ បានចោទប្រកាន់រុស្ស៊ីថាបានចាប់ផ្តើមការចល័តថ្មីនៅគ្រីមៀ។
នៅក្នុងការបង្ហាញពីការមិនសប្បាយចិត្តចុងក្រោយនេះ មន្ត្រីដែនដីមកពីសាធារណរដ្ឋ Karelia ដែលជាតំបន់ភាគពាយ័ព្យនៃប្រទេសរុស្ស៊ី ជាប់ព្រំប្រទល់ប្រទេសហ្វាំងឡង់ បានផ្ញើលិខិតមួយដោយជំរុញឱ្យលោក ពូទីន ចេញក្រឹត្យដែលនឹងហាមឃាត់យោធាមិនឱ្យបន្តការចល័តបន្តដោយសារតែឥទ្ធិពលអវិជ្ជមានរបស់វាទៅលើ សង្គមរុស្ស៊ី។
លោក Emilia Salbunova ដែលបម្រើការជាសមាជិកនៃសភានីតិបញ្ញត្តិ Karelia បានប្រកាសលិខិតនោះដែលត្រូវបានចុះហត្ថលេខាដោយលោកស្រី និងមេដឹកនាំក្នុងតំបន់ផ្សេងទៀត នៅក្នុងការបង្ហោះលើបណ្ដាញ Telegram កាលពីថ្ងៃអង្គារ៕ប្រែសម្រួល ឈូក បូរ៉ា
![](https://dap-news.com/wp-content/uploads/2020/08/1-1.png)